極品煮意 鷄煲.烤魚.火煱 (已結業)

今晚同朋友兩個人黎食，一坐底就叫左要加錢既蠔、牛頸片、墨魚滑同聖子，好快就黎左蠔、墨魚滑同聖子，本身好地地都覺得呢間幾好唔錯，好開心咁食到一半去加水見到隔離枱碟牛先記得我地有叫到但無黎過，咁就問人係咪漏左，諗住如果係就取消唔要，點知佢同我講頭先已經黎左，仲好肯定黎齊哂！咁我同我朋友都好肯定我地無食過牛肉咁就問佢係咪搞錯左喇。點知佢d同事(起碼4,5個)行哂過黎話肯定個同事有拎過黎，仲話見到放左係我地張枱，咁我地真係見都無見過，食都冇食過就梗係話睇返cctv喇，佢就話即時睇唔到要第二日先得，又話可以留底電話睇完通知返我但宜家要照比左錢先，咁我都接受左，諗住起碼睇完可以肯定我無食過先退返$！咁我地以為完左喇，點知佢之後拎返碟牛過黎同我講：算喇我當你地無食過比返碟你！ 之後又即時細細聲話明明俾左又話冇俾過，明明見到佢地食咁講。哇！咩叫當無食過？宜家姐係我錯丫？最後我地決定唔食個碟牛，$照俾，因為我覺得我地冇錯，我地唔係為貪佢個$68便宜，而係佢地由頭到尾冇俾過牛肉但話我地食左，唔通我地連自己食過乜都唔記得！ps佢地d態度一開始就好差！