影片
更多
2015-05-02
1108 瀏覽
有好多節日都話要慶祝，其實大家只係想搵個借口去食餐好。今日係我地既拍拖周年紀念呀，記得當年我地係去食壽司，過左咁多年，今年就食放題應下節啦。今日係公眾假期，我怕油麻旺人會多，所以選擇了荃灣，哈哈，順手俾機會我行下街。早幾日我就打左去熊貓酒店既花千樹訂位，諗住話晒都係酒店入面，服務同食物都會好d。訂左六點，我就六點準時到左，已經見到有人排隊等入座。太好啦，被安排左係卡位，兩個人，坐得好舒服，一開始就拎晒d order紙出黎睇，款式都好多，差唔多有一百款。我地仲加左每位$15飲指定飲品同食甜品。好啦講翻呢個238蚊一位既兩小時任食放題先，刺身有12款，樣樣都好新鮮，叫左兩轉，發現三文魚，油甘魚等既刺身都係厚切。特別係三文魚，又厚切又肥美。象拔蚌好爽口，海螺彈牙。深海鯨龍好鮮味，八爪魚出奇地甜，同埋一d都唔硬。另外仲有希靈魚，吞拿魚，鮑片，北寄貝，馬刀貝，甜蝦都表現正常。鍋物我就叫左雪花牛肉鍋同清酒煮蜆，前者既牛肉唔肥而且好濃既牛味，仲配左好多雜菜，由於個湯好甜，所以d雜菜入晒味，好正。後者一黎到就已經聞到佢既清酒味，而且蜆肉無沙，肉都好嫩。串燒方面都好有質素，翠玉瓜串，燒完仲好多汁，好鮮甜
今日係公眾假期，我怕油麻旺人會多，所以選擇了荃灣，哈哈，順手俾機會我行下街。早幾日我就打左去熊貓酒店既花千樹訂位，諗住話晒都係酒店入面，服務同食物都會好d。
訂左六點，我就六點準時到左，已經見到有人排隊等入座。太好啦，被安排左係卡位，兩個人，坐得好舒服，一開始就拎晒d order紙出黎睇，款式都好多，差唔多有一百款。我地仲加左每位$15飲指定飲品同食甜品。
好啦講翻呢個238蚊一位既兩小時任食放題先，刺身有12款，樣樣都好新鮮，叫左兩轉，發現三文魚，油甘魚等既刺身都係厚切。特別係三文魚，又厚切又肥美。象拔蚌好爽口，海螺彈牙。深海鯨龍好鮮味，八爪魚出奇地甜，同埋一d都唔硬。另外仲有希靈魚，吞拿魚，鮑片，北寄貝，馬刀貝，甜蝦都表現正常。
鍋物我就叫左雪花牛肉鍋同清酒煮蜆，前者既牛肉唔肥而且好濃既牛味，仲配左好多雜菜，由於個湯好甜，所以d雜菜入晒味，好正。後者一黎到就已經聞到佢既清酒味，而且蜆肉無沙，肉都好嫩。
串燒方面都好有質素，翠玉瓜串，燒完仲好多汁，好鮮甜。鹽燒牛舌串都好稔，食落感覺到真係即燒，好香，又夠熱。
除左串燒，仲有其他燒物，好似芝士焗蠔，唔算太大隻，不過蠔配上粟米白汁黎燒，風味十足。燒鯖魚，魚皮好脆，咬落仲有魚既油脂，而且魚肉亦好夠嫩。牛油燒甜薯，蕃薯真係好香甜，用牛油黎燒，外層好脆又有牛油香，第一次食！荔枝煙肉卷，呢個配搭好特別，清新既荔枝，吸晒煙肉既油，簡直係prefect match。仲有個個香草燒羊架，火候控制得好好，咬開個羊架，好嫩，仲有勁多肉汁。
一品料理都好讚，醬汁豬軟骨，超入味，又稔滑，胡麻牛舌，係我第一次食既凍食牛舌，胡麻汁又惹味配上牛舌，好醒胃呀。
炸物有芝士年糕，芝士魚餅，炸雞，甘蝦腐皮卷，吉列蠔，粟米薯餅，南瓜芝士波，枝豆餅。我最中意食既係芝士年糕，就算放耐左都唔油，芝士好熔，好流心。海膽手卷既海膽好甘香，紫菜又夠脆，好食！！食左咁多野，當然要食下沙律，鮮蕃茄沙律，好fresh ，d菜又勁爽脆。
壽司同天婦羅既款式都好多，而品質又好！加左錢，最後當然叫埋甜品，個朱古力克mousse cake好香，勁濃既朱古力味，令我地呢餐晚餐變得更完滿。
呢到既服務都好好，waiter們既態度又好又有笑容，真係一分錢一分貨。仲要上食物既速度又快。下次可以再黎試下佢個lunch張貼
