小島•澳門菜 (已結業)

朋友話想一齊過澳門，我就得閒既但雖然澳門都幾近不過佢仲未抽到時間同我一齊去澳門，所以我就同埋朋友一齊嚟到銅鑼灣呢間餐廳食澳門菜。講起澳門菜，大家會諗起啲咩？相信大家都知澳門曾經係葡萄牙既殖民地，所以澳門有唔少葡萄牙式既建築之外，仲有唔少葡國菜喺澳門食到。香港嚟講想食澳門/葡國菜選擇都有，不過唔係每一間都好食同正宗既。今次就同朋友嚟到呢間試下先。夜晚嚟到食，有set dinner，都係飯同意粉咁啦，大約$98 - $188左右，包餐湯/咖啡或茶。除左有set dinner之外，都當然有單點菜式。呢碟菜$72，都幾惹味既。葡式檸檬白酒煮海蜆，($118)，食左幾粒先記得影，哈哈。當晚食既蜆已經吐晒沙，蜆肉尚算爽口既。香烤乳豬野菌牛油焗飯 ($188- set dinner)，呢個係set dinner裡面叫既，所以包埋咖啡或餐湯。其實睇番之前食評都有唔少人叫呢個乳豬飯，所以我都叫先。呢個我覺得唔錯，賣相幾靚，乳豬既皮幾脆，肉質都鬆軟，唔會好乾。面頭既牛油幾香。