門口接待嘅店員態度好好，見到入面唔少員工都係泰國人，天花板嘅百葉風扇亦增添幾分泰國色彩
見到一排排肥美嘅雞吊左係玻璃入面
可惜今日實在太多人，趕時間嘅關係選擇左外賣自取，等左唔洗15分鐘就有得拎，算幾快
水門雙拼雞飯
雙拼雞係一半海南雞一半炸雞，份量好多，另外附上兩盒醬汁，可以用黎點雞食。先講海南雞好滑，就算雞胸位都唔鞋，雞皮薄同彈牙，雞本身無咩味所以點醬就岩晒
炸雞好脆口，炸皮唔厚而油飯底好香，飯粒好咬口
午餐套餐價$66左右，已經包湯同凍飲。湯望落好稀，但飲落都幾重胡椒味，同海南雞飯好夾。
最後不得不提哩杯泰式奶茶，茶味香濃好滑口，亦唔似一般泰式奶茶咁甜，好岩香港人口味，絕對要試！
