川流 (已結業)

結婚紀念日的晚上，老公帶我去灣仔品嚐川流。知道我鍾意食川菜，哩間係前米芝蓮川菜雲陽陳師傅開的餐廳，一定有水準。餐廳環境以黑色木材作主調，設計風格簡約。正中央有吧枱，吧枱掛滿酒杯，非常型格。入座後，服務員送上四格免費小食，分別有泡菜、花生、毛豆、爆谷。然後可以揀品茶或飲品，我地揀左菊花，清香潤喉。兩個人點了2個小菜+1個麵+1個炒飯+2個甜品。豆酥桂魚：鍾意食桂魚朋友，一定要點這道菜，份量多，魚肉大塊鮮甜，食落非常滑口、加埋豆酥混埋一齊食，非常有口感。魚香帶子：鍾意食辣朋友就岩晒，魚香帶子，醬汁勁多。擔擔麵：哩間餐廳擔擔麵份量唔太大，麵質硬身一點，食落好爽口，湯底非常濃郁。野菌炒飯：哩個炒飯好好味，素飯來講炒得好出色，炒飯粒粒分明，聞落陣陣飯香味。焦糖豆漿燉蛋：哩個甜品係我既最愛，焦糖燉蛋平時都食得多，但川流既焦糖燉蛋係加埋豆漿去整，又滑又香，食到有豆既味道，仲有士多啤梨點綴，擺相吸引！