影片
更多
2018-07-28
24 瀏覽
放左約左同事食飯，經過呢間位於灣仔既Pizzeria Jacomax，響門口已經見到外藉師傅微笑示好，進門時服務員態度亦都好親切。安排左座位之後，我並冇第一時間打開餐牌搵野食，而俾週圍既畫作吸引住，餐廳環境令我有一種置身歐陸異地既感覺，一幅幅掛係牆上既畫作都係似曾相識。雖然我對藝術一竅不通，但都認到店主響Johannes Vermeer，René Magritte既名作上悄悄改了主角既容貌，認真鬼馬！從店主選擇既作品我推斷佢應該係一位注重家庭，浪漫同熱愛藝術既人！（後來睇電視先知道原來門口的師傅就是店主）先上既係頭盤煙三文魚沙律 $112，黑醋好開胃，生菜新鮮爽口，餐廳係沙律既溫度上把控得唔錯，最怕食到D唔凍唔熱既食物。點菜個陣已經俾佢既名吸引左，意大利米蘭紅花燴飯 $152 有濃濃既奶油香味，飯粒硬度適中口感好好，特別味道配上芝士既鹹香會忍唔住食完一口又一口，聽同事講紅花燴飯係米蘭既名菜，而且用左世界上最貴的香料 － 番紅花 。雖然並冇豐富既海鮮陪襯，但我覺得佢絕對有高傲既本錢。熱辣辣T-Rex $150好快就做好，厚度適中， 餅邊同餅底薄脆，餅料有：火腿，辣肉腸，德國腸，岩哂我地兩
雖然我對藝術一竅不通，但都認到店主響Johannes Vermeer，René Magritte既名作上悄悄改了主角既容貌，認真鬼馬！從店主選擇既作品我推斷佢應該係一位注重家庭，浪漫同熱愛藝術既人！（後來睇電視先知道原來門口的師傅就是店主）
先上既係頭盤煙三文魚沙律 $112，黑醋好開胃，生菜新鮮爽口，餐廳係沙律既溫度上把控得唔錯，最怕食到D唔凍唔熱既食物。
點菜個陣已經俾佢既名吸引左，意大利米蘭紅花燴飯 $152 有濃濃既奶油香味，飯粒硬度適中口感好好，特別味道配上芝士既鹹香會忍唔住食完一口又一口，聽同事講紅花燴飯係米蘭既名菜，而且用左世界上最貴的香料 － 番紅花 。雖然並冇豐富既海鮮陪襯，但我覺得佢絕對有高傲既本錢。
熱辣辣T-Rex $150好快就做好，厚度適中， 餅邊同餅底薄脆，餅料有：火腿，辣肉腸，德國腸，岩哂我地兩隻食肉獸，冇諗過兩個人都可以食得哂一個11吋批。今次用餐體驗好好，除左欣賞店鋪精心報置，熱心既店員仲特登走過黎提醒桌上可以有召喚服務員按鈕！用餐完店員仲問我地覺得d野好唔好食 。
走出餐廳番到繁忙既大街，好似岩岩與世隔絕左一個鐘，感受店主同服務員既熱情,，有緣再會。
張貼
