香港郵意 (已結業)

我其實真係好鍾意去呢間餐廳食飯，佢空間又大，傾計又唔會嘈。好舒服。因為旺角個邊D cafe一般都坐到迫迫地，同埋比較嘈，所以好鍾意呢到。帶子蘆筍海膽汁意粉 $128呢個意粉係朋友叫，我第一次食，估唔到佢D帶子勁大粒！同埋個個醬汁幾好味，第一次海膽汁嘅菜式，絕對有驚喜。百利甜酒朱古力 $58朋友話初頭飲落去唔多過有朱古力，但好奇怪飲飲下又會有朱古力味出返嚟。再加D甜酒好香好醇。大讚大讚！鮮奶香芋 $48呢杯我每次都推介比人飲。但今次我個朋友係超憎芋頭，所以就算我點叫佢試，佢都拒絕我。一向都覺得佢D飲品唔會太甜，但今次我覺得淡咗D。但都OK嘅，仍然係飲品中我嘅最愛之選。真龍蝦肉醬意粉 $98呢個意粉我真係超級超級鍾意食，因為佢真係勁勁勁好味！我每次嚟嘅原因都係因為佢，但我朋友覺得海膽汁個個好味D。朋友話可能我鍾意酸D嘅嘢，所以鍾意呢個意粉多D。我唔否認，哈哈！好好味。朱古力心太軟配水果 $68本身想叫心太軟，因為想食熱既甜品，但選擇唔太多。加咗自己本身好鍾意食心太軟，所以就揀咗。畸厭個皮有D硬，其他都好OK.🍽9/10🔎 香港郵意 (尖沙咀)尖沙咀漆咸