一起果醬 (已結業)

經常係唔同地方聽到推薦，一直都好想試下呢間let's jam，今次終於搵到朋友部我食。呢間野主打自家制果醬，而今次同我食飯嘅朋友則比較prefer食正餐，因此我地叫嘅都係咸點。首先叫左呢個忌廉磨菇湯，真係令人相當之驚喜。呢個湯飲落非常濃味，啖啖都食到磨菇粒，同我地本身expect 嘅普通忌廉湯完全唔同!白酒煮青口唔算大隻，但勝在夠鮮美!白酒忌廉汁味道亦都夠出，如果可以點面包食就更perfect.慢煮西冷牛排亦非常之唔錯，西冷非常厚身，但都幾嫩滑，唔算難切。廚師用慢煮嘅方法令牛排本身嘅肉汁得到最大嘅保留，食落亦有非常香嘅牛肉味，相當高質。油封鴨係法國嘅美食，但之前係法國卻無緣一試，見到呢度有就點黎試下。鴨脾嘅外層非精香脆，而入面嘅鴨肉則非常腍同嫩滑。我個人非常鍾意同佢搭配嘅果醬，甜甜嘅果味令鴨肉嘅味道更突出。整體而言，let's jam嘅咸點質素非常唔錯!下次黎一定要試埋佢嘅甜點。