甜

營業中

休息中

今次同男朋友去屯門一間人氣糖水小店，唔只賣甜品，連鹹食都非常有誠意。店舖唔算大，但餐牌選擇多，而且質素有驚喜，唔係得個樣!甜品夠創新，鹹食出色唔輸正餐，正呀!太子煙三文魚窩夫煙三文魚鹹香味十足，配上厚厚明太子醬，每啖都充滿海鮮風味。底層係金黃脆身既窩夫，外脆內鬆，同明太子醬融合得幾好，有驚喜脆辣蜜糖芥末炸雞窩夫炸雞酥脆多汁，雞皮炸得薄而脆，雞肉嫩滑，配埋微辣既蜜糖芥末醬同滑蛋，有種鹹甜交錯嘅滋味，唔會膩。底下嘅窩夫吸收咗炸雞肉汁、蛋汁同醬汁，越食越香伍號 （芒果汁底、豆腐花、芒果、芒果星星、寒天晶球）以芒果汁做底，堆滿豆腐花、芒果粒、芒果星星同寒天晶球。層次好豐富，甜中帶清爽，豆腐花滑到溜嘴，夏天飲落透心涼Homie 拼盤拼盤入面嘅小食種類豐富，有燒雞翼、炸單骨雞翼、炸薯格、炸燒賣，仲配有甜辣醬&茄汁，全部都即炸，熱辣辣又香口，食肉獸表示非常滿足甘露豆花（芒果奶、芒果、小丸子、柚肉）豆花順滑得嚟帶少少豆香，加埋香甜芒果奶飲落一啖滑一啖香，小丸子煙韌彈牙，柚肉帶點微酸，成功解膩。整體口感同味道都十分平衡。