影片
更多
2021-10-26
1381 瀏覽
疫情緩和，係時候出去食好野，位於元朗西裕街嘅校長燒肉日韓料理，平日晚市早段價錢成人只係$158，唔食刺身仲可以平＄50，可以兩小時內任食韓燒，火鍋，同埋日本野，包埋甜品同飲品，都算幾超值。餐廳大約分為好幾個區域：壽司刺身區、燒肉區、火鍋區、熟食區、甜品區、同埋飲品區。 刺身有三文魚、吞拿魚、希靈魚、蟹棒、玉子同埋蝦，每次只可以攞三款。刺身新鮮肥美，食落爽口，令我地相當有驚喜。 冷盤方面有各式各樣嘅沙律同自選配料。燒肉區有各式各樣嘅肉類，豬牛雞魚樣樣齊，除此之外，仲有腸、魷魚同各式各樣嘅丸添。最正嘅係多款食材都有唔同醃料，好似蒜、咖喱、韓式辣醬咁，非常入味，又唔會話過鹹。咁多樣野食中我最喜歡嘅，當然係雞扒同秘製叉燒啦。蔬菜方面有矮瓜，翠玉瓜，菇同粟米等等。熟食區竟然有中式點心，好似燒賣，鳳爪，包點咁，仲要係原籠添呀。除此之外，仲有日式小食同炸物，好似小丸子、麥樂雞、薯條之類。如果唔係因為胃部容量有限，每款都想試吓呀。 火鍋湯底有三款，分別係壽喜燒湯，清湯 同埋豬骨湯。我哋今日試嘅係清湯，入口清甜，加入蔬菜同埋餃子後，真係非常美味。熟食方面真係應有盡有架，好似咕嚕肉呀，菜呀魚呀咁， 真係好
餐廳大約分為好幾個區域：壽司刺身區、燒肉區、火鍋區、熟食區、甜品區、同埋飲品區。
刺身有三文魚、吞拿魚、希靈魚、蟹棒、玉子同埋蝦，每次只可以攞三款。刺身新鮮肥美，食落爽口，令我地相當有驚喜。
冷盤方面有各式各樣嘅沙律同自選配料。
燒肉區有各式各樣嘅肉類，豬牛雞魚樣樣齊，除此之外，仲有腸、魷魚同各式各樣嘅丸添。最正嘅係多款食材都有唔同醃料，好似蒜、咖喱、韓式辣醬咁，非常入味，又唔會話過鹹。咁多樣野食中我最喜歡嘅，當然係雞扒同秘製叉燒啦。
蔬菜方面有矮瓜，翠玉瓜，菇同粟米等等。
熟食區竟然有中式點心，好似燒賣，鳳爪，包點咁，仲要係原籠添呀。除此之外，仲有日式小食同炸物，好似小丸子、麥樂雞、薯條之類。如果唔係因為胃部容量有限，每款都想試吓呀。
火鍋湯底有三款，分別係壽喜燒湯，清湯 同埋豬骨湯。我哋今日試嘅係清湯，入口清甜，加入蔬菜同埋餃子後，真係非常美味。熟食方面真係應有盡有架，好似咕嚕肉呀，菜呀魚呀咁， 真係好似返左屋企咁呀！
甜品區除咗有brownies，布甸，蛋糕之外，仲有多款雪糕添。
飲品方面，有各式各樣嘅飲品，罐裝，紙包，有糖無糖樣樣齊，仲有花茶專區，客人可以揀材料去調配自己喜愛嘅花茶，食完咁多油膩嘅嘢，可以消滯。
張貼
