蚊蚊豬老火鍋 (已結業)

在OpenRice 無意中找到這餐廳，見好評不少，價錢又唔係貴，又有想食嘅烤魚同雞煲，就專程一試。6:45去到，餐廳未滿，即時入座，餐廳只有一種嘢食……就係任食。除咗個海鮮拼盤之外，任何嘢都任叫，有別於一些同類餐廳，雞煲同魚只能選一樣，呢間你叫幾多樣都得。先上了刺身，但因為友人試過在其他火煱店食生嘢全枱勁痾嘅經驗，對火煱店刺生好有戒心，不敢多吃。我有食，冇事，正常嘢。樣樣都想試，不過每樣野份量好大，兩個人食完烤魚同小食都飽咗大半。放棄雞煲，叫了個五指毛桃雞湯食牛肉。值得一讚係牛肉部位選擇好多，連牛胸爽都有但牛肉色水麻麻，比較瘀黑，但食落又正常。厚薄亦適中。限時2小時，加一後接近三百元一位，一大班人要傾計一定唔夠時間，係就適合咩都想食下嘅大胃王。