桃園麵家茶餐廳 (已結業)

今日放左工搵地方食晚飯，行行下諗起係呢度睇過其他食家的食評話呢度o既咖喱不錯...橫掂次次去親都係食set dinner ，今次就試下新野~一坐低即刻叫左個咖哩牛腩，唔使三分鐘就有得食! 第一啖試下個咖哩汁，不太辣而椰汁味重，是接近香港人的口味。再食下個牛腩，都幾腍，份量亦足。價錢方面盛惠三十蚊，論抵食就只算一般。論咖哩我都係比較喜歡同區「得成」的咖哩，咖哩味重D，份量比桃園的多同埋平D (以晚餐計)。如果大家去開呢間野食我會推介食set lunch / set dinner，比三十幾蚊就可以食到其他地方賣四五十蚊的dishes好似羊胺及煙鴨胸之類，咁o既價錢有呢D野食都算少見。