蟹點

好耐冇去鴨脷洲西邨，喺海怡半島四期對面，原來街市已經裝修得好，乾淨企理。樓上有間蟹點，Menu有泰國料理，中式小炒。今日好想食蟹，嚟到鴨脷洲冇理由唔食海鮮，蟹都有六款選擇包括咖喱，辣椒膏炒蟹，粉絲煲，白胡椒等等。為咗可以送飯揀咗咖喱炒蟹。上碟金黃色好吸引，肉蟹大約一斤半左右，足夠二人份量，蟹鉗都大大隻。咖喱汁仲落咗蛋花，濃郁咖喱送咗兩碗飯。西蘭花炒龍躉球，魚皮好有膠質，好厚的都有八塊魚片。啫啫生生菜煲份量好大，滾住上枱，香味由廚房傳到過嚟。食完仲有得洗手，食到捧住個肚。