影片
更多
2020-05-27
95 瀏覽
今日又黎到港島區覓食，點解車費貴又山長水遠都要堅持去到港島區呢？就係因為我今次又睇中左間印度菜，決定去try try 😆我成日都去食唔同嘅印度餐廳，印象中食過最好食個幾間嘅都係集中喺港島區，而九龍區既印度菜大部份都麻麻哋既😣好耐都唔嚟一次西營盤，行大概5分鐘左右就到餐廳。餐廳嘅客人大部份都係外國人。餐廳燈光柔和舒適，裝修好有家庭式嘅風格✨加埋餐廳播放着輕快既歌曲，令人好放鬆。餐牌上有多款咖喱同烤餅可以選擇，令人花多眼亂。我地就揀左paneer makhan masala 同 lamb korma，試曬兩款咖哩🤤paneer makhan masala 味道香濃偏甜，味道複雜，有極輕微既辣，加埋香軟既芝士相當好味。而我更鍾意lamb korma，味道香甜，用黎撈印度黃飯定配 Naan都一流！羊肉軟嫩，啖啖肉，份量都相當足料呀！Vegetable pullao有大量蔬菜，印度黃飯係好靚既金黃色，炒到粒粒分明🤤蔬菜仲食到係加左唔同既印度香料，所以味道層次好豐富，呢個都係咁鍾意食印度菜既原因💕Keema naan 係羊肉烤餅，唔需要配搭其他醬料食用已經好夠味，烤餅中間有一層薄薄既醬汁，食落有淡
今日又黎到港島區覓食，點解車費貴又山長水遠都要堅持去到港島區呢？就係因為我今次又睇中左間印度菜，決定去try try 😆我成日都去食唔同嘅印度餐廳，印象中食過最好食個幾間嘅都係集中喺港島區，而九龍區既印度菜大部份都麻麻哋既😣
好耐都唔嚟一次西營盤，行大概5分鐘左右就到餐廳。餐廳嘅客人大部份都係外國人。餐廳燈光柔和舒適，裝修好有家庭式嘅風格✨加埋餐廳播放着輕快既歌曲，令人好放鬆。
餐牌上有多款咖喱同烤餅可以選擇，令人花多眼亂。我地就揀左paneer makhan masala 同 lamb korma，試曬兩款咖哩🤤paneer makhan masala 味道香濃偏甜，味道複雜，有極輕微既辣，加埋香軟既芝士相當好味。
而我更鍾意lamb korma，味道香甜，用黎撈印度黃飯定配 Naan都一流！羊肉軟嫩，啖啖肉，份量都相當足料呀！
Vegetable pullao有大量蔬菜，印度黃飯係好靚既金黃色，炒到粒粒分明🤤蔬菜仲食到係加左唔同既印度香料，所以味道層次好豐富，呢個都係咁鍾意食印度菜既原因💕
Keema naan 係羊肉烤餅，唔需要配搭其他醬料食用已經好夠味，烤餅中間有一層薄薄既醬汁，食落有淡淡的羊肉香氣，唔會覺得好油膩，非常好～
同埋一坐低，店員就送上胡椒餅，又香又脆，又好重胡椒味，印度菜真心太好食啦！
張貼
