影片
更多
2012-08-29
33 瀏覽
6月23日, 開業多年嘅EXP竟然執咗, 取而代之嘅係呢間自助西式café, 由於個間格有d怪, 又要自己搵位, 條路又唔係闊, 加上d侍應會攞住d餐四圍咁派, 以致成個地方都好混亂咁, d人走嚟走去. 我地搵到個位買完餐, 就坐定定等野食~::: 常餐 + Ice Latte ::: $46 + $4果然好夠fusion, 呢度都搵到常餐食~ 火腿炒蛋厚多士加個叉燒意粉, 懷舊得嚟又幾創新, 仲加多杯意大利咖啡, 可唔可以叫做港意式~ 炒蛋係夠嫩滑, 唔會過熟嘅蛋入口幾唔會嚡, 仲有一份香甜感~ 火腿就係普通貨, 煎得唔夠香, 可以煎燶少少會好d. 厚多士香脆, 麵粉中間都幾鬆軟, 個牛油味道幾特別, 個鹹味豐富咗個多士. 叉意比較失色, 叉燒乾瘦, 入口幾韌下, 個色澤偏紅搞到好人工, 應該係擺咗好耐嘅叉燒… 意粉可能因為常會用, 新鮮彈牙感亦夠, 又唔會浸咗喺湯度太耐而變淋~ 可惜個湯底唔夠突出, 味道頗淡又好稀搞到個意粉都冇乜味, 北海道牛奶牧場好食好多…本身對佢地嘅咖啡抱有期望, 畢竟都叫做有熱食嘅咖啡店, 不過嚟到嘅咖啡有d失望, latte嘅咖啡味唔香濃, 入口只有奶味
::: 常餐 + Ice Latte ::: $46 + $4
果然好夠fusion, 呢度都搵到常餐食~ 火腿炒蛋厚多士加個叉燒意粉, 懷舊得嚟又幾創新, 仲加多杯意大利咖啡, 可唔可以叫做港意式~ 炒蛋係夠嫩滑, 唔會過熟嘅蛋入口幾唔會嚡, 仲有一份香甜感~ 火腿就係普通貨, 煎得唔夠香, 可以煎燶少少會好d. 厚多士香脆, 麵粉中間都幾鬆軟, 個牛油味道幾特別, 個鹹味豐富咗個多士. 叉意比較失色, 叉燒乾瘦, 入口幾韌下, 個色澤偏紅搞到好人工, 應該係擺咗好耐嘅叉燒… 意粉可能因為常會用, 新鮮彈牙感亦夠, 又唔會浸咗喺湯度太耐而變淋~ 可惜個湯底唔夠突出, 味道頗淡又好稀搞到個意粉都冇乜味, 北海道牛奶牧場好食好多…
本身對佢地嘅咖啡抱有期望, 畢竟都叫做有熱食嘅咖啡店, 不過嚟到嘅咖啡有d失望, latte嘅咖啡味唔香濃, 入口只有奶味, 完全將個啡味蓋住咗… 連鎖式咖啡店嘅咖啡仲好飲.
::: 香草野菌意粉 + Cappuccino ::: $60 + $10
香草野菌意粉蒜茸同香草下得足, 離遠都已經濃香撲鼻! 野菌份量都唔少, 炒得嫩身, 可惜菌味唔夠濃, 只係普通貨式… 要讚嘅係d意粉煮得頗al dente~ 而且炒完都唔會太乾或者太油, 餡料亦炒得均勻. 意粉面頭放上一片長條蒜茸法包多士, 同樣地蒜香濃烈, 焗得焦脆香口~ 好味!
Cappuccino用隻軟皮紙杯裝住, 觀感同用餐感大大扣分. 而且咖啡味唔香, 味道仲帶少少苦… 真係有d失望…
呢度嘅食物款式都幾多, 除咗意粉, 仲有叻沙, 雲吞麵咁, 不過價錢上有d過貴… 而咖啡真係好失色, 要買嘅都會上樓上嗰間open area咖啡店… 環境裝修其實幾靚, 又可以睇下人溜冰咁. 但真係幾混亂, 枱同櫈係有design, 不過成日令人會誤撞, 仲要d人走嚟走去, 似街市多.
張貼
