NINETYs (皇后大道東) (已結業)

復活節長假期，其中一個活動當然係約朋友一齊四圍覓食一番啦！😋今晚嚟到灣仔皇后大道東嘅一間coffee shop ☕️ NINETYs 地點非常方便，就正正係皇后大道東，一啲都唔難搵。餐廳門面，係用落地玻璃，令街外嘅人都可以睇到餐廳入邊嘅情況，穿透玻璃就可以睇到裡面係用咗open kitchen嘅設計，配以柔和嘅燈飾，提高餐廳格調。Menu 非常型格，cover 係塊厚厚嘅皮，押有餐廳logo同名字 😎 cool!!食物方面，個presentation 好靚，令人食指大動😋 而且仲好好味添！最特別都係杯咖啡Choco blend ☕️ serve 嘅時候配以細細的藍莓粒Waiter 送上咖啡嘅時候仲介紹：如果飲呢杯咖啡嘅時候配以藍莓粒，可以更加帶出咖啡嘅味道！而另一杯，fruity blend ☕️ serve 嘅時候配以杏仁粒同樣道理，呢個係配合fruity blend 嘅最佳拍檔！呢度可以話係內外兼備（既好味又型格）嘅Coffee Shop之一🤩