佢哋個午餐menu 啲醬汁都係自家製，味道好之餘又健康啲。今次食咗個蕃茄海鮮意粉餐，個蕃茄醬好濃味道又多層次，個賣相好適合打卡。
最鍾意係度飲埋咖啡。佢哋咖啡係用兩隻埃塞俄比亞豆拼配出黎，我一向飲開nutty，但都鍾意係佢哋呢度飲fruity 嘅豆。佢哋個風味fruity 得來又有甜度，仲好香。最緊要係抵飲！跟餐我叫杯flat white 加十幾蚊就得。
今次仲叫左佢哋個自家製甜品Tiramisu. 老板勁推介，話係用佢哋house blend 埃塞俄比亞併配豆黎整。個Tiramisu 無落酒，但係唔知點解食落都好似有陣陣葡萄酒香咁，啲cream 好滑。份量唔少，五十幾蚊就食到真係好難係第二度搵到。
總括來講性價比極高。真心希望佢哋呢種小店可以多啲人支持所以都用啲時間寫下呢個食評。
