影片
更多
2021-09-11
463 瀏覽
同屋企人去中環街市行下，行到二樓見到有好多食肆就諗住買埋外賣晚飯返去。其中見到呢間小店有日式咖喱食，因為老公鍾意食日式咖喱，所以就決定買呢間返去。老公最後揀左濃香牛肉野菌咖哩飯，我就跟佢餐加$30加左個法式龍蝦濃湯，然後再加$20加左個番茄菠菜芝士雞肉卷，total盛惠$109。題外話我幾鍾意佢地個外賣紙袋，好可愛🤗半小時後返到屋企，個湯同埋咖喱都仲夠熱☺️先飲個湯，佢唔喺好似忌廉湯個隻濃湯咁杰，佢比較水一d，可能佢唔用粉佢淨杰佢，which is 我鍾意既，龍蝦湯味夠重，唔會過鹹，裡面有三四粒左右既蝦米仔😂，不過整體黎講唔係我杯茶，下次會想試埋其他湯。至於個咖哩，佢喺日式甜咖喱，只係微微辣，我唔食辣既人食到。裡面d牛肉炆得好腍好入味，好好食，裡面大概有4舊大3舊細既牛肉，份量都足夠食晒成碗飯。個芝士雞卷好普通，叫做可以填飽d個肚咁啦。個咖哩飯必定encore！
題外話我幾鍾意佢地個外賣紙袋，好可愛🤗
半小時後返到屋企，個湯同埋咖喱都仲夠熱☺️
先飲個湯，佢唔喺好似忌廉湯個隻濃湯咁杰，佢比較水一d，可能佢唔用粉佢淨杰佢，which is 我鍾意既，龍蝦湯味夠重，唔會過鹹，裡面有三四粒左右既蝦米仔😂，不過整體黎講唔係我杯茶，下次會想試埋其他湯。
至於個咖哩，佢喺日式甜咖喱，只係微微辣，我唔食辣既人食到。裡面d牛肉炆得好腍好入味，好好食，裡面大概有4舊大3舊細既牛肉，份量都足夠食晒成碗飯。個芝士雞卷好普通，叫做可以填飽d個肚咁啦。個咖哩飯必定encore！
張貼
