意日菜 (已結業)

上週日晚又到旺角搵食，有時唔去一排就會有唔少生新食肆出現，當然要四出搜羅下。無意間，我地經過這間餐廳。從外面窺看內裏既橫裝，佈局都係新，又見價錢商議，推門入坐。內裏位置係可以接受的，但唯一不能接受既係，那仕應給餐單時，那張所謂＂餐單＂同我細個個陣，永遠放在書包低，唔執書包就不會發現個Ｄ廢紙一樣。＂霉＂既！仲夠膽死扮＂餐單＂比客人睇，唔知佢地點辦得到，唔明白！＂餐單＂中有分意，日，韓，西式約四種。我和女友選左牛肉石頭窩飯（＄32）和咖哩吉列猪扒石頭窩飯（＄39）。而飲品及特飲跟餐只加三至十蚊左右，我叫朱古力雪香（＄7），女友要香芋珍珠（＄5）。約等五分鐘左右便到齊，眼見鐵窩非常灼熱，不斷發出咋咋聲，如果搵個嘴仔挨落去的話，肯定腫到年初三。牛肉飯的配料裏，也是一慣韓式牛肉石頭飯所應有的，只是女友發現牛肉只有兩塊咁多，唔講比人知係e窩係牛肉飯都無人信，而且連牛肉石頭飯最重要的醬料都無，我諗番起個情況都幾感觸！而我叫的咖哩吉列猪扒石頭窩飯真係幾好，係炸乾左d，但整體我滿意。而佢地既石頭飯求其燒熱隻窩，再倒入飯就叫石頭飯。我咁肯定係因為隻窩裏係有飯焦，幾多焦下。講真，論食物同飲品睇得出係有心機，