咕嚕咕嚕

星期四“happy hour”時段，上咗去尖沙咀諾士佛臺嘅咕嚕咕嚕，該處燈光暗淡，裝飾獨特，環境氣氛非常適合 hea住嘆酒，仲見到有外國人喺度拋乒乓波娛樂， 其他人客都係傾計居多。

侍應好禮貌，招呼周到，有蝦條供應，不過係要收費㗎， 每碟20蚊。適逢餐廳當日只供應串燒及拉麵， 其他泰式食品及飯類欠奉，令到我哋想醫肚嘅人有啲不知所措。

惟有叫串燒，點咗雞髀菇、鹽燒雞翼、鹽燒牛舌、牛肉串、大蔥鴨胸串 、大蔥雞肉串、日本蠔肉、日式炸豆腐及燒丸子 ，款式尚可，奈何份量偏少

串燒拼盤

再叫咗兩碗札幌叉燒拉麵，味道一般，但可以裹腹，如果拉麵稍為煙韌會理想啲。

叉燒拉麵

點咗一杯飲品Tropical Island，味道清新解渴。

Tropical  island 

始終這個地方係適合飲酒Chill 吓，對於食物就要降低少少要求吧！