境 (已結業)

是日🌼姐約咗美味子食lunch, 去咗呢間工廈入面既日式西餐廳。餐廳有室外部分不過應該lunchtime時段就冇開放。Lunch menu - 有前菜（沙律或是日餐湯）+main course + 咖啡/茶☕️，加錢可叫埋甜品。餐前餐包— 竹炭包用咗橄欖油落去焗，所以個包都唔使點樣搽嘢，就咁食落去已經好似搽咗牛油咁樣咁香囉。好味！欣賞🥳前菜— 前菜美味子就叫咗沙律🥗，連埋啲意大利黑醋落去，好味😋，隻日系陶碟都好靚啊！前菜- 蘑菇湯，蘑都幾大粒下，食落去感覺都似係親自切碎嘅蘑菇整嘅蘑菇湯。😋主菜— 日本漬鮑魚乾炒秘撈瑤柱闊條麵，西式意大利闊條麵，日式醬汁，港式炒法，好惹味👍🏻主菜 —澳洲和牛腹側牛扒黃金蠔，lunch 嚟講確實係味道唔錯牛扒軟熟度適中，蕃茄都幾新鮮香甜㗎！我哋兩個人坐咗喺度慢慢傾，食到差唔多一半就開始覺得口渴咁就叫飲品，呢度啲咖啡都唔錯，lunch Time來講呢餐晏嘅質素幾好，又坐得舒服😌，如果想去觀塘工廈尋美食，呢度值得推薦俾大家。