和匠日式燒肉店

營業中

休息中

剛剛去完日本旅行，已經好懷念當時既食物，所以又揀左間日本料理，呢間燒肉店已經第二次食，因為款式夠多，味道亦都岩自己。是日推介～唔同既燒肉拼盤～是日推介，磯煮鮑魚～鮑魚夠入味，亦好𡁻口，配上大大舊醃蘿蔔。日本安曇野豆腐沙律，配胡麻醬，豆腐滑，好開胃。豚腩肉同美國Prime牛小排～豚腩燒到少少燶，好香口；牛小排雪花平均，唔會太油。下面係醬汁，有柚子醋、燒汁、芝麻醬。日本帆立貝，上面有黑松露蒜蓉同牛油，除左帆立貝鮮味，仲陣陣松露香。美國Prime牛角切，厚身一啲，比較juice。日本阿波尾雞腿肉，我覺得夠嫩，有驚喜。另外叫左杯Peach Mocktail。牛油炒雜菜，充滿日式醬油味，亦都幾大碟。海膽炒飯，賣相幾靚，有唔少小元貝，三文魚子，夠乾身夠香。和匠海神稻庭烏冬醬油湯底，配料非常多，有蜆、蝦、魷魚圈、大帆立貝。環境幾舒服，二人枱都幾闊唔會好嘈，慢慢歎燒肉既好地方。