花火和食 (已結業)

今日係附近收工，入到間新開既環海東岸商場，行行下就決定入泥開餐😋和風滑蛋蝦肉丼鮮蝦比想像中多同大隻，夠哂彈牙。滑蛋夠哂嫩，上面有少少菇同洋蔥，配埋米飯食好夾。日式豚肉叉燒拉麵麵底同湯底既選擇都幾多，今次揀左醬油湯拉麵，湯底都幾香，唔會油膩，麵底偏軟身，叉燒夠哂大片，幾有咬口。和風唐揚炸雞脆炸既外層厚度適中，炸雞得5件，但每件都幾大份，分開咬幾次先食得哂。胡麻番茄沙律番茄擺得幾有心思，配上芝麻沙律醬、粟米及沙律菜，雖然普普通通，但食完咁多肉之後，配上一份清新既沙律就岩岩好。滑蛋飯配麵豉湯。午市跟仲配埋飲品，住附近既話真係一定會成日過泥食。