影片
更多
2016-05-09
681 瀏覽
母親節前夕，搵間靚野同媽咪嘆茶先。呢間陶源酒家位於iSQUARE 24樓，睇晒維港靚景，絕唔失禮。打開點心紙，都幾多特色點心：「安格斯牛柳天鵝酥」($40/2件)，一上枱，天鵝造型已經贏晒，氹得阿媽好開心！酥皮做得鬆化，一戳即刻散開，入面係惹味牛柳，有濃濃既醬汁，牛柳夠腍，好食。一不離二，再黎靚牛柳。從來食腸粉都係白色皮既，呢個「烏賊特級牛柳腸粉」($39)就黑mi mung，好特別。腸粉皮用墨汁搓過，但基本上無特別既味道，皮做得軟綿，好得；入面係用洋蔥炒過既牛柳，香口，牛柳好腍有肉味，值得推介。生煎包大家食得多，但入面多數係菜肉，呢度既「松露鵝肝醬煎包」($30) 竟然仲有松露同鵝肝！咬開細心睇，會見到有一粒鵝肝，幾香；松露味唔算太搶，唔會搶走鵝肝既味道；麵包皮除左個底煎脆左，頂部仲有一塊脆片，令到成個包咬落去都好脆，美味。食左幾樣點心都濃味，黎個「健康藜麥野菌素餃」(中點) 中和番。素餃包成三角形，外面灑上藜麥，入面係紅蘿蔔、豆角、雜菌等等，雖然係素，但味道唔寡，好味。我翻查資料，原來藜麥低鈉、低脂、低升糖值、低熱量，近年被推為超級食物，有「營」氏必食。點左咁多潮野，叫番個傳統「鮑
呢間陶源酒家位於iSQUARE 24樓，睇晒維港靚景，絕唔失禮。打開點心紙，都幾多特色點心：
「安格斯牛柳天鵝酥」($40/2件)，一上枱，天鵝造型已經贏晒，氹得阿媽好開心！酥皮做得鬆化，一戳即刻散開，入面係惹味牛柳，有濃濃既醬汁，牛柳夠腍，好食。
一不離二，再黎靚牛柳。從來食腸粉都係白色皮既，呢個「烏賊特級牛柳腸粉」($39)就黑mi mung，好特別。腸粉皮用墨汁搓過，但基本上無特別既味道，皮做得軟綿，好得；入面係用洋蔥炒過既牛柳，香口，牛柳好腍有肉味，值得推介。
生煎包大家食得多，但入面多數係菜肉，呢度既「松露鵝肝醬煎包」($30) 竟然仲有松露同鵝肝！咬開細心睇，會見到有一粒鵝肝，幾香；松露味唔算太搶，唔會搶走鵝肝既味道；麵包皮除左個底煎脆左，頂部仲有一塊脆片，令到成個包咬落去都好脆，美味。
食左幾樣點心都濃味，黎個「健康藜麥野菌素餃」(中點) 中和番。素餃包成三角形，外面灑上藜麥，入面係紅蘿蔔、豆角、雜菌等等，雖然係素，但味道唔寡，好味。我翻查資料，原來藜麥低鈉、低脂、低升糖值、低熱量，近年被推為超級食物，有「營」氏必食。
點左咁多潮野，叫番個傳統「鮑汁雞腳」俾媽咪。阿姐送黎時，話最後一碟啦，可想而知呢一味好受食客歡迎，想食唔好太遲叫。一食，果然唔錯，無論雞腳同花生，都炆到好腍好入味，影相夾得耐都會化開，簡直係化骨綿掌！
最後叫多個甜品，「冰花葛仙米伴360奶凍」($29)。葛仙米又叫水木耳，佢既味道同質感都似木耳，只係細塊少少；糖水底係紅棗味，清清淡淡我好buy；至於奶凍，睇名就知係用北海道360牛乳做，有奶香，夠滑，而且鯉魚造型夠精緻，喜歡奶食品既朋友唔好錯過。
張貼
