❁ 刺身沙律
平目魚海膽刺身🙂白身魚本身比較淡味，配上香濃海膽。底部更加有驚喜，係王林蘋果同大根絲，全部粗有一致食落去分唔到兩者，勁得意。加上少少選擇啫喱更加開胃，側面仲有秋葵籽做裝飾。
❁ 鮑魚配鮑魚肝醬
係南非鮑魚，鮑魚味比較重，可以先食一啖鮑魚試吓佢嘅鮮味，再點醬汁。鮑魚肝醬唔會過咸，但係味道好濃。呢隻鮑魚真係好大隻，過往食鐵板燒都未試過有咁大隻，所以切到六件出嚟。
❁ A4和牛薄燒
呢個係我食過最好食嘅和牛薄燒，和牛油花遍佈均勻，咬開見到裏面仲係非常之粉紅，牛味香。最特別平時係包住啲蔥蒜，今次係Wasibi 昆布、牛旁，本身已調味咬落去甜甜地，而且口感更加突出😊入口即溶。另外有蘆筍，汁用蘆筍皮製作，食落去好清新，用來中和返和牛嘅油脂。
❁ 香蔥吞奈魚腩飯
吞拿魚腩飯都正，飯底用咗赤醋調味，所以唔使擔心啲飯唔夠味，飯上面係一啲菇，可以提升口感。扁頭就有香蔥吞拿魚腩蓉，油脂豐富所以好香口，吞拿魚腩有好多，同飯嘅份量基本上係一比一😳👍🏻
❁ 雞肉丸子清湯
食完咁豐富嘅嘢食一定要飲啖湯清清佢🍲湯料主要有松茸菇同雞肉丸子😎
❁ 日本湯葉芝麻雪糕配焦糖脆餅
湯葉即係日本豆腐皮，勁香豆味腐皮凍身、滑溜，本身只有少許甜味，豆香加上芝麻雪糕，焦糖脆米，配搭一流。最上面有塊糖脆，大大塊好靚仔，用嚟打卡就一流❤️❤️❤️
