牛川日本和牛專門店 (已結業)

作為肉肉愛好者既我平時我都會買和牛返屋企燒黎食，最近俾我發現左一間和牛燒肉放題餐廳就立即去左食啦👅和牛燒肉放題$458一位，宜家四人同行，仲有原隻龍蝦刺身一大隻添呀😍😍😍，但要提前兩日訂座先有優惠！！和牛燒肉放題有多款食物，除左燒肉（牛、豬、雞）外，仲有包括刺身、壽司、沙律、丼飯等等，飲品任飲，仲有牛川獨家水果茶飲🥗🍣🍲🍘🍢🧋🧃一黎到首先就送左個海鮮拼盤俾我地，有蟹羅燒、鮑魚、牛油帶子同埋海蝦。海鮮都好新鮮，特別係鮑魚，先反轉燒一燒鮑魚面，之後再兩面燒下，岩岩脫殼就食得，非常鮮甜而且爽彈。另外，蟹羅燒燒到乾身甜到爆，蟹味濃稠，如果撈埋飯食就更加好。呢到和牛燒肉重點當然係和牛啦，接住黎既就係和牛拼盤，有九款和牛，店舖都好貼心，每款都有label到係咩級別同部位。和牛油花分布均勻，色澤紅潤，我自己就比較鍾意食牛冧同埋壺漬牛肋條，呢個牛肋條好重脂肪，牛味極重，雖然好味但都不能多食。🥩🥩🥓🥓話明和牛肉放題，食完個拼盤之後都要再追加啦，除左和牛都仲有其他牛肉，豚肉可以燒，仲有青酒煮蜆添，絕對食到爆肚。🤰🏻🫄🏻最後食埋個雪糕就perfect啦！雖然有好好味既movenpick，但我都係揀左榴連雪糕