影片
更多
2021-04-06
632 瀏覽
今日黎到旺角八幡屋，可以任食和牛海鮮火鍋刺身放題3小時😍非常期待，入座前先揀湯底，我就揀左昆布湯，清清地食牛肉一流今次揀咗最高級既澳洲和牛餐，原來仲有意外驚喜，一落座就送上一碟A4日本和牛同埋高級海鮮拼盤，呢個拼盤包括埋單點先會有既鮑魚同埋扇貝A4和牛既牛味同油脂味相當平衡，係口入面轉瞬即逝，但果種滋味係縈繞不息，不過為咗唔好使咁多錢，今次就食住澳洲和牛先。鮑魚都超級爽彈，食既時候特別有大海既味道，配合湯底更加突出鮮甜味。 點餐火鍋料就主攻M5和牛同埋美國牛肩胛，因為M5和牛油脂比較多，好易令到湯底多油渣，配合較瘦但有特濃牛味既肩胛肉就會唔咁易膩。另外，都點咗2碟黑豚肉，都幾有咬口同豬味，淺嘗即可。各款肉類既色澤都唔錯，紋理幾好，唔會好薄。 海鮮都有接近10款，最推薦海蝦同墨魚滑，都幾新鮮給實彈牙，完全冇揸流灘。蟶子就比較淡味，同埋東風螺可以再吐多陣沙會好食d .燒物可以逐件叫，啱哂我呢d細食但又貪心為食既人，可以每樣都叫d黎食，特別記憶深刻既係麻吉燒同埋日本甜薯，麻糬煙韌拉絲，外面鹹甜的醬汁配合埋就令我有食日本醬油團子既感覺。 .除左用QR code落單之外，仲有自助取餐區，主要分咗
今次揀咗最高級既澳洲和牛餐，原來仲有意外驚喜，一落座就送上一碟A4日本和牛同埋高級海鮮拼盤，呢個拼盤包括埋單點先會有既鮑魚同埋扇貝
A4和牛既牛味同油脂味相當平衡，係口入面轉瞬即逝，但果種滋味係縈繞不息，不過為咗唔好使咁多錢，今次就食住澳洲和牛先。鮑魚都超級爽彈，食既時候特別有大海既味道，配合湯底更加突出鮮甜味。
點餐火鍋料就主攻M5和牛同埋美國牛肩胛，因為M5和牛油脂比較多，好易令到湯底多油渣，配合較瘦但有特濃牛味既肩胛肉就會唔咁易膩。另外，都點咗2碟黑豚肉，都幾有咬口同豬味，淺嘗即可。各款肉類既色澤都唔錯，紋理幾好，唔會好薄。
海鮮都有接近10款，最推薦海蝦同墨魚滑，都幾新鮮給實彈牙，完全冇揸流灘。蟶子就比較淡味，同埋東風螺可以再吐多陣沙會好食d
.
燒物可以逐件叫，啱哂我呢d細食但又貪心為食既人，可以每樣都叫d黎食，特別記憶深刻既係麻吉燒同埋日本甜薯，麻糬煙韌拉絲，外面鹹甜的醬汁配合埋就令我有食日本醬油團子既感覺。
.
除左用QR code落單之外，仲有自助取餐區，主要分咗幾大區域，包括炸物、其他邊爐料、壽司、甜品、雪糕、飲品同埋熟食。呢間鋪頭最特別係有超過10款既包心丸，有芝心有海膽有鮮肉，令到愛丸人士都有多重享受。
天婦羅炸物好脆口，感覺上都係出爐無耐。壽司雖然唔多種類，但係都真材實料，不過咁飽肚既野都係食幾件就算啦。
刺身有三文魚、吞拿魚、希靈魚、鮑片、甜蝦等，款式同出面既放題店差不多，長叫長有，三文魚厚切，赤蝦大隻同新鮮🤤encore左兩次
甜品有泡芙、brownie、雪糕同奶凍，味道較普通。揀返雪糕雪條，呢度有埋韓國大熱既果味雪條，帶比我refresh既感覺，可以衝走食咗大量熱氣野既油膩感。
飲品櫃入面除咗常見既啤酒汽水，仲有唔少清熱飲品同埋茶，非常貼心，令食客可以最大化享受美食。
服務員質素都好好，會一直留意出面既自助區有冇材料唔足夠，即刻拎入廚房refill
張貼
