影片
更多
2023-04-24
70 瀏覽
上網見到新幹線送燒肉，已經即刻叫老公同我嚟試下。 我哋揀咗個C餐-日本產黑毛和牛放題及極上花盛合，職員先送上一隻木舟，有牛肋條、牛里脊肉、牛肋肉、海鮮等。 仲有個寶箱裝住和牛肉眼，職員會幫手燒出最靚嘅效果。和牛脂肪比例均勻，油香十足，肉質嫩滑非常。 極上花盛合：啲和牛介要捲到一朵朵花咁，靚到唔捨得食，啱晒影相打卡。 客人仲可以掃一掃和牛識別碼搜尋到牛隻詳細資料，例如：產地、年份，保證客人食到真正嘅和牛。 除咗職員送上嘅和牛之外，客人亦可以透過QR Code 落單，再由新幹線送上，非常過癮又好玩。 沙律吧有多款唔同嘅沙律，顏色翠綠，蔬菜新鮮鮮甜，而且全部都用蓋遮住，保證乾淨衞生。 飲品方面除咗有多款唔同嘅罐裝飲品，仲有好多自家製嘅果汁，顏色鮮豔，款款都想試下。 甜品方面有多款唔同日本雪條，例如：日本明治栗子紅豆雪條、明治海鹽荔枝雪條、日本明治角十棒四方梳打味雪條、白桃烏龍、北海道雲呢拿、藍莓乳酪味、朱古力雪糕批、井村屋牛奶金時雪條同埋我好鍾意嘅井村屋鯛魚燒，真係款款都係我平時喺日式超市鍾意買嘅味道，太吸引了吧！ 除咗啲日式雪條之外，仲有啲自家製嘅小甜品，有玉桂青蘋果芝士餅、檸檬忌廉杯、焦
上網見到新幹線送燒肉，已經即刻叫老公同我嚟試下。
我哋揀咗個C餐-日本產黑毛和牛放題及極上花盛合，職員先送上一隻木舟，有牛肋條、牛里脊肉、牛肋肉、海鮮等。
仲有個寶箱裝住和牛肉眼，職員會幫手燒出最靚嘅效果。和牛脂肪比例均勻，油香十足，肉質嫩滑非常。
極上花盛合：啲和牛介要捲到一朵朵花咁，靚到唔捨得食，啱晒影相打卡。
客人仲可以掃一掃和牛識別碼搜尋到牛隻詳細資料，例如：產地、年份，保證客人食到真正嘅和牛。
除咗職員送上嘅和牛之外，客人亦可以透過QR Code 落單，再由新幹線送上，非常過癮又好玩。
沙律吧有多款唔同嘅沙律，顏色翠綠，蔬菜新鮮鮮甜，而且全部都用蓋遮住，保證乾淨衞生。
飲品方面除咗有多款唔同嘅罐裝飲品，仲有好多自家製嘅果汁，顏色鮮豔，款款都想試下。
甜品方面有多款唔同日本雪條，例如：日本明治栗子紅豆雪條、明治海鹽荔枝雪條、日本明治角十棒四方梳打味雪條、白桃烏龍、北海道雲呢拿、藍莓乳酪味、朱古力雪糕批、井村屋牛奶金時雪條同埋我好鍾意嘅井村屋鯛魚燒，真係款款都係我平時喺日式超市鍾意買嘅味道，太吸引了吧！
除咗啲日式雪條之外，仲有啲自家製嘅小甜品，有玉桂青蘋果芝士餅、檸檬忌廉杯、焦糖布丁、牛奶布丁等，每款都會寫明製造期限同賞味期限，客人可以放心食用。
呢度仲有個棉花糖機，有幾十款唔同嘅造型同味道可以整，老公整咗個花型送比我😍，啱晒打卡，真係大人細路都啱！
張貼
