影片
更多
2022-08-16
199 瀏覽
食完依餐之後, 依間已經成為左我心目中燒肉放題既第一位, 沒有之一!一入門口見到成隻牛(假既), 餐廳環境明亮光猛, 重點係座位非常闊落, 卡位好大空間, 成餐都食得好舒服。Course B 嚴選牛肉放題盛合 $448 (五至日同假期$498)首先會有兩個盛合, 集合唔同既肉同海鮮, 試完邊款岩口味就自己再係手機QR CODE ORDER。除左牛之外, 仲有豚肉, 雞肉, 一樣好食, 但我梗係主攻牛肉啦!當然要試下D頭盤盛合冇既野啦, 多款到一餐係唔會食得哂, 依度仲有牛肉刺身, 相信一間餐廳要對自己出品好有信心先夠膽推牛肉刺身, 仲要放題有得食, 真係少有!重點推介:大判壽喜燒牛里脊肉由高速線列車送餐, 勁有日本FEEL, 感覺HIGH好多~ 口感真係可以用柔軟黎形容,油脂細密, 點埋蛋汁更加又香又滑, 幸福感出現!!本人亦係牛舌控, 依度有好幾款牛舌, 必食特上牛舌棒, 完全係牛舌芯爽彈有油香, 極尚厚牛舌最彈牙, 而薄炙蔥花鹽味牛舌就好香口, 款款都超正!個人好欣賞依度既薄身肉, 輕輕燒一燒兩邊已經食得, 而由佢每塊肉都係好大塊, 食起上黎一樣咁有口感, 而且肉質細嫩,薄炙牛肋肉
一入門口見到成隻牛(假既), 餐廳環境明亮光猛, 重點係座位非常闊落, 卡位好大空間, 成餐都食得好舒服。
Course B 嚴選牛肉放題盛合 $448
(五至日同假期$498)
首先會有兩個盛合, 集合唔同既肉同海鮮, 試完邊款岩口味就自己再係手機QR CODE ORDER。除左牛之外, 仲有豚肉, 雞肉, 一樣好食, 但我梗係主攻牛肉啦!
當然要試下D頭盤盛合冇既野啦, 多款到一餐係唔會食得哂, 依度仲有牛肉刺身, 相信一間餐廳要對自己出品好有信心先夠膽推牛肉刺身, 仲要放題有得食, 真係少有!
重點推介:
大判壽喜燒牛里脊肉
由高速線列車送餐, 勁有日本FEEL, 感覺HIGH好多~ 口感真係可以用柔軟黎形容,油脂細密, 點埋蛋汁更加又香又滑, 幸福感出現!!
本人亦係牛舌控, 依度有好幾款牛舌, 必食特上牛舌棒, 完全係牛舌芯爽彈有油香, 極尚厚牛舌最彈牙, 而薄炙蔥花鹽味牛舌就好香口, 款款都超正!
個人好欣賞依度既薄身肉, 輕輕燒一燒兩邊已經食得, 而由佢每塊肉都係好大塊, 食起上黎一樣咁有口感, 而且肉質細嫩,薄炙牛肋肉同薄炙牛里脊肉都係我既ENCORE之選。
海鮮, 料理, 湯品等等一樣高質, 海蝦新鮮彈牙, 仲有蠔食添! 卷物試左和牛卷同埋明太子卷, 好味。
飲品, 甜品都係自助區, 幾飽都要食埋佢D甜品同雪條, 明治脆皮雪條超好味, 抹茶味勁濃!食左兩條!
整體黎講, COURSE B已經唔係最貴個個餐, 但可以食到既野無論種類同質素都已經好TOP, 而每次ORDER後上菜速度同質素都保持水準, 可以放題式食到咁高質既肉, 冇野挑剔!
張貼
