一焼肉

上水一間主打個人壽喜燒嘅日式燒肉店，一入座就俾寬敞座位同充滿昭和風情嘅裝潢吸引住，環境乾淨舒適，每個座位都設有自己嘅燒爐，非常適合鍾意慢慢燒、專心食肉嘅人🥩！


我揀咗鹿兒島A4和牛肉眼壽喜燒套餐，牛肉油花勻稱，入口即化，配上漆黑濃郁嘅醬汁，仲有超滑蛋汁蘸一蘸，真係升天級享受🤤。另外加點咗V3日本和牛+牛五花壽喜燒、牛板翼、魷魚、節瓜等。海鮮質素唔錯，魷魚新鮮爽口，烤過之後香味撲鼻。


配菜方面有白飯、味噌湯、泡菜同埋可樂，整體份量足夠。店員服務親切，會主動補水同收碟，燒爐換網都好快。


價錢方面中等偏上，但以肉質嚟講算係物有所值，推薦比鍾意壽喜燒或日式燒肉嘅朋友試一試！🍽️