影片
更多
2021-12-15
52 瀏覽
再次到訪沖繩老字號和牛88，上次食過午餐對佢啲A5和牛同味道好有保證，今次晚餐再去已經多咗冬季新菜式☃️。叫餐後就會先送上日式前菜+$20，聽店員講每日都會更改款式💫今次就喺日式煮牛筋味道滷得十分入味夠軟腍，雖然係前菜但味道都唔會馬虎求其💯。⇛ ▫️芝麻醬油麥菜 $58第一次生食油麥菜但味道又okay喎🤣包住青瓜捲咬落去好清脆但又無草青味，沾少少日式芝麻醬已經好開胃。…▫️薄燒和牛沙律 $88和牛面層輕輕燒過再撈埋大量沙律菜🥗，醬汁酸酸地開胃得嚟又唔覺膩。…▫️和牛肉膾冷烏冬 $148可以要飯/冷烏冬，冷烏冬鋪上青蔥、大量和牛肉膾同日本蛋黃，最緊要加埋個類似韓式辣醬汁，烏冬冰涼彈牙撈埋醬汁食味道都幾辣☄️小心唔好落太多！和牛肉膾亦唔孤寒食到底都仲有～…▫️日本產和牛西冷三文治 $358上次食呢到三文治真喺超高質素，所以今次晚市再叫🥪！今次呢款雖然無午市個款咁高Cp值，但呢款喺用上日本產和牛西冷🐮肉味喺更濃郁，外皮吉列脆香內裡仲保持粉嫩多汁😍，而且喺數量限定✨未必日日有㗎，所以有就要必叫啦！…▫️和牛拖羅海膽丼 $328新菜式之一，賣相砌得好靚仔丼飯🌟有主角和牛拖羅、海膽、三文魚籽、玉子、蟹棒等等⋯
再次到訪沖繩老字號和牛88，上次食過午餐對佢啲A5和牛同味道好有保證，今次晚餐再去已經多咗冬季新菜式☃️。叫餐後就會先送上日式前菜+$20，聽店員講每日都會更改款式💫
今次就喺日式煮牛筋味道滷得十分入味夠軟腍，雖然係前菜但味道都唔會馬虎求其💯。⇛
▫️芝麻醬油麥菜 $58
第一次生食油麥菜但味道又okay喎🤣包住青瓜捲咬落去好清脆但又無草青味，沾少少日式芝麻醬已經好開胃。
…
▫️薄燒和牛沙律 $88
和牛面層輕輕燒過再撈埋大量沙律菜🥗，醬汁酸酸地開胃得嚟又唔覺膩。
…
▫️和牛肉膾冷烏冬 $148
可以要飯/冷烏冬，冷烏冬鋪上青蔥、大量和牛肉膾同日本蛋黃，最緊要加埋個類似韓式辣醬汁，烏冬冰涼彈牙撈埋醬汁食味道都幾辣☄️
小心唔好落太多！
和牛肉膾亦唔孤寒食到底都仲有～…
▫️日本產和牛西冷三文治 $358
上次食呢到三文治真喺超高質素，所以今次晚市再叫🥪！
今次呢款雖然無午市個款咁高Cp值，但呢款喺用上日本產和牛西冷🐮肉味喺更濃郁，外皮吉列脆香內裡仲保持粉嫩多汁😍，而且喺數量限定✨未必日日有㗎，所以有就要必叫啦！…
▫️和牛拖羅海膽丼 $328
新菜式之一，賣相砌得好靚仔丼飯🌟有主角和牛拖羅、海膽、三文魚籽、玉子、蟹棒等等⋯
和牛拖羅生食效果，牛味更顯突出🤤而且帶點油脂味✨海膽鮮甜無腥臭最驚喜喺三文魚籽無我好抗拒嘅魚腥味😳，整碗丼飯水準都幾高！…
◽️甘粟丸子紅豆湯 $48
秋冬系列當然要食啲暖笠笠嘅甜品🍂，紅豆湯入面加入粟子、同年糕食落有咬口之餘，相當暖胃，不過略微甜咗少少🤏🏻。
…
▫️日式燒年糕 $68
自己動手燒年糕真喺要眼明手快🤣，另外有埋配料【黃豆粉、甘粟、紅豆、黑蜜】。過程幾過癮但太大火會好易燒燶，太慢又好快熄咗。不過年糕本身餐廳已經煮熟，食落都幾煙煙韌韌，所以只需要輕輕烤熱就可以食得㗎啦💖。
張貼
