尚鮮日式燒肉漁市場 (已易手) 新餐廳

因為一班舊同事gathering選擇都係來來去去任食啦、打邊爐啦或者中菜 ，因為大家都好似傾向想食任食，而我又唔想去普通嗰啲咩殿呀、大喜屋啊嗰啲 ，於是我好努力咁搵，搵到一間新開嘅和牛任食 ，大家無異議就決定去試吓！其實我本身對任食麻麻地，因為我自己食得少呀嘛 同埋多數d啲質素都係麻麻地 。講真而家呢個年紀梗係要揀啲有質素嘅嚟食啦，自己quota有限呀嘛 我求神拜佛希望呢一間質素會好少少結果都可以接受啦，係d飲品種類同甜品差啲囉 。價錢周六晚大人$398 +10%；小童（身高90至120）$248+10%，抵唔抵就見仁見智啦，不過反而佢送果set海鮮拼盤反而有啲質素，全部都好新鮮 如果嫌和牛太油嘅話大家可以主攻佢嘅燒蠔都唔錯 ，仲有佢嘅甲羅燒都好出色，不過最衰冇得reorder啦！叫和牛既份量每一次都小到有啲驚嚇，可能怕你太多食唔晒掛 其實和牛嘅肥膩感真係唔可以食太多 。結局我覺得我哋食和牛嘅份量唔係太回到本 ，係後尾叫返幾隻蠔食下平衡返 ，就係呢種感覺唔食又好似唔抵咁所以我真係麻麻哋任食 ，可能一大班朋友聚會先食一次半次啦！