La Postre (厚福街) (已結業)

同朋友係尖沙咀附近搵嘢食傾下計，係未知道食咩好的時候，突然醒起厚福街有間門面幾靚嘅餐廳，一直都未試過，所以我哋就一齊去試吓啦。坐低環境都好舒服，侍應都好有禮貌而且服務非常有效率，因為每次啲水一飲完即刻有人加返😆😆😆呢點我非常喜歡而且餐具都好靚！我地食左西班牙海鮮飯，好多海鮮係入面，d飯有少少辣，幾正！而且份量好多，三個女仔食都夠另外仲叫左個set dinner，可以揀沙律或者湯，我哋就揀咗沙律可以食多啲菜。牛扒都煎得幾香，不過朋友表示薄咗啲，點個芥末醬一齊，好夾好好食。我見到佢話咩料入邊仲有啲好吸引嘅甜品，不過我哋太飽食唔到，下次有機會再試！