影片
更多
2018-01-26
348 瀏覽
友人識飲識食，最鍾意就係四圍試新嘢，每次吃到好嘅餐廳，都會介紹給我。近日友人就從朋友口中得知，大坑新開左一家高水準的日本料理店，午市有套餐、定食、丼飯等供應，而晚市就以廚師發辦為主。友人知我愛吃日本菜，所以這晚就特意邀約我同另外兩位好友一起去嘗鮮。餐廳位於浣紗街，門面簡潔，店內面積不大，吧檯只有九個座位，而廂房入面就擺放左兩張四人檯，至於走廊盡頭是否另設有座位，就不得而知。甫坐下，店員即為我們送上一客鹽焗枝豆作為餐前小食，枝豆入口軟綿，很有豆香，惹味好吃。晚餐的 Omakase 共有三款，分別為「月」($1080)、「彩」($1280) 及「藝」($1680)。由於今趟乃首次到訪，所以大家決定中間落墨，選了中間價位嘅「彩」。前菜一碟三款，有炸慈菇片，海膽豆腐同春筍。慈菇片有一股獨特的氣味，而且口感頗清爽，毫不油膩。海膽豆腐用上海鮮湯雪凍並混入寒天製作，入口非常醒胃；而春筍就筍肉飽滿、入口爽脆細嫩，加上筍本身屬高纖、低澱粉質的食品，感覺特別健康。接著輪到食刺身，先嚟一客左口魚及左口裙邊，左口魚肉質結實，魚油非常豐富，鮮味十足；而裙邊就係左口魚背鰭和臀鰭之間的那一條邊，位置正正係成條魚最肥
友人識飲識食，最鍾意就係四圍試新嘢，每次吃到好嘅餐廳，都會介紹給我。近日友人就從朋友口中得知，大坑新開左一家高水準的日本料理店，午市有套餐、定食、丼飯等供應，而晚市就以廚師發辦為主。友人知我愛吃日本菜，所以這晚就特意邀約我同另外兩位好友一起去嘗鮮。
餐廳位於浣紗街，門面簡潔，店內面積不大，吧檯只有九個座位，而廂房入面就擺放左兩張四人檯，至於走廊盡頭是否另設有座位，就不得而知。
甫坐下，店員即為我們送上一客鹽焗枝豆作為餐前小食，枝豆入口軟綿，很有豆香，惹味好吃。
晚餐的 Omakase 共有三款，分別為「月」($1080)、「彩」($1280) 及「藝」($1680)。由於今趟乃首次到訪，所以大家決定中間落墨，選了中間價位嘅「彩」。
前菜一碟三款，有炸慈菇片，海膽豆腐同春筍。慈菇片有一股獨特的氣味，而且口感頗清爽，毫不油膩。海膽豆腐用上海鮮湯雪凍並混入寒天製作，入口非常醒胃；而春筍就筍肉飽滿、入口爽脆細嫩，加上筍本身屬高纖、低澱粉質的食品，感覺特別健康。
接著輪到食刺身，先嚟一客左口魚及左口裙邊，左口魚肉質結實，魚油非常豐富，鮮味十足；而裙邊就係左口魚背鰭和臀鰭之間的那一條邊，位置正正係成條魚最肥美的部份，食落濃郁甘香，入口即溶。
牡丹蝦來自北海道，色澤粉紅通透，蝦肉柔軟又不失清爽，而且蝦味好濃郁，非常甘甜，食落一點也不黏口，是刺身中的極品。
蒸毛蟹用酒杯盛上，分量十足，旁邊伴左用鰹魚湯入饌嘅蟹醋啫喱，並以日本紫籐花穗作點綴，賣相精緻。挾起蟹肉，質感飽滿，甘甜濃郁，入口鮮味四溢。而友人就盛讚面層配上的蟹醋啫喱，食落又凍又酸，非常特別，同蟹肉好夾。
吃罷毛蟹，大廚隨後奉上深海池魚，池魚外皮呈銀色，肉質細緻爽口，帶豐富油脂，肥美嫩滑，味道甜美，非常適合用作刺身料理。
時令鯖魚刺身及火炙鯖魚，鯖魚油脂均勻，肉質爽口，吃時佐以薑蓉，入口不但唔會食到魚腥味，而且仲可以令魚的鮮味更突出。至於另一件火炙鯖魚，薄薄的魚皮被火槍燒過，逼岀油脂，魚皮脆口，魚脂在口中溶化，令人一吃難忘。
之後係中拖羅同吞拿魚鮫位，拖羅油脂非常豐富，能感受到香甜魚油在口腔中迴盪，入口即溶，幸好 Size 不算大，因為多吃真的會有點膩。至於魚鮫位，據說一條吞拿魚只有少部份，極其珍貴，油香可媲美拖羅，而且肉質比拖羅更有咬口，以紫菜包捲著吃，口感十足。
接下來是一客西京燒銀鱈魚，銀鱈魚以西京白麵豉醬調味，肉質肥美，帶豐潤魚油香，入口細嫩滑溜，蘸點沙律醬吃，可中和膩感。
之後就輪到食壽司，先來北海道帆立貝壽司，帆立貝面頭塗了少許柚子皮，帶子肥美又肉厚，鮮甜十足，柚子皮為壽司添上清香，正。
緊接是針魚壽司，針魚賣相晶瑩剔透，食落爽口清甜，可伴以薑蓉或 wasabi 同吃，魚鮮味在口中盡情釋放。至於下面的壽司飯，食落暖笠笠，咬下黏口但又粒粒分明，帶醋的香氣。
炸泥鰍，游水泥鰍非常新鮮，條條都比手指還要長，即撈即炸，入口卜卜脆，乾身不油，能吃到淡淡魚鮮，用來下酒一流。
赤鯥魚壽司，經過火炙的赤鯥魚，逼出魚油脂香，入口嫩滑無比，而且半溶於口中，十分過癮。
之後是海膽壽司，來自北海道厚岸嘅海膽，色澤鮮明，入口軟滑 creamy，配上壽司飯，再以紫菜包捲，味道濃甜，帶海水的鹹香，
拖羅蓉手卷，拖羅蓉油份十足，入口啖啖魚肉，而且入面夾雜左剁碎嘅京蔥同黃蘿蔔，增添咬口，配埋香軟嘅米飯同鬆脆的紫菜，多重口感。
味噌湯用左帶子，豆腐同剛才吃嘅牡丹蝦蝦頭炮製，入口熱辣辣，鮮甜美味。
紫薯布甸，布甸呈深紫色，顏色奪目吸引，舀起一匙試試，質感綿密細滑，帶天然的紫薯香氣，而且入口輕盈，不覺甜膩，為這頓晚餐畫上圓滿句號。
張貼
