影片
更多
2018-12-05
250 瀏覽
位於奧海城嘅樂天經典， 菜式種類非常豐富， 既有經典嘅中菜， 又有新派fusion菜， 仲有星馬菜式， 夠曬有創意。 適逢今期聖誕裝飾係「經典」「樂天」嘅叮噹， 影完咁靚嘅聖誕燈飾， 就梗係去醫肚啦。呢間餐廳地方夠大， 成個環境非常寬敞， 加上又夠光猛， 坐得好舒服， 最啱就係一家人嚟做節食飯。前菜鹵水花生同栗子就夠特別， 鹵水味道突出， 花生同栗子都炆得夠淋， 作為前菜一啲都唔馬虎。開飯之前叫咗一煲老火湯飲下，呢個《白胡椒排骨豬肚湯》， 好味得嚟又可以強身健體， 白胡椒帶有辛辣， 可以驅寒驅風， 增加血液循環。 而且用嘅料亦相當足， 又有豬肚 、雞腳 、排骨， 令整個湯帶有豐富嘅肉味， 雞腳又含有豐富嘅骨膠原，啱曬一種貪靚嘅食客。另外亦叫咗一個非常開胃嘅前菜 《脆醬美人魚》，聽到個名真係估唔到係乜， 原來係將魚仔加入辣椒和醬油炒香， 炒到金黃香脆，魚仔食落甜甜辣辣，非常開胃兼惹味，最啱就係做餐前小吃， 或者係佐酒小食， 好味道令人食上癮， 明知帶有熱氣都停唔到口。呢一道《手工海鮮白玉磚》， 口感有少少似煎蘿蔔糕， 但係食落就帶有海鮮嘅鮮味， 將魚肉、蝦肉、 木耳、 蘿蔔碎等等材料加入
呢間餐廳地方夠大， 成個環境非常寬敞， 加上又夠光猛， 坐得好舒服， 最啱就係一家人嚟做節食飯
。
前菜鹵水花生同栗子就夠特別， 鹵水味道突出， 花生同栗子都炆得夠淋， 作為前菜一啲都唔馬虎。
開飯之前叫咗一煲老火湯飲下，呢個《白胡椒排骨豬肚湯》， 好味得嚟又可以強身健體， 白胡椒帶有辛辣， 可以驅寒驅風， 增加血液循環。 而且用嘅料亦相當足， 又有豬肚 、雞腳 、排骨， 令整個湯帶有豐富嘅肉味， 雞腳又含有豐富嘅骨膠原，啱曬一種貪靚嘅食客。
另外亦叫咗一個非常開胃嘅前菜 《脆醬美人魚》，聽到個名真係估唔到係乜， 原來係將魚仔加入辣椒和醬油炒香， 炒到金黃香脆，魚仔食落甜甜辣辣，非常開胃兼惹味，最啱就係做餐前小吃， 或者係佐酒小食， 好味道令人食上癮， 明知帶有熱氣都停唔到口。
呢一道《手工海鮮白玉磚》， 口感有少少似煎蘿蔔糕， 但係食落就帶有海鮮嘅鮮味， 將魚肉、蝦肉、 木耳、 蘿蔔碎等等材料加入豆腐搓勻， 再攞去煎香， 食落既有海鮮嘅鮮甜， 亦能食出豆腐嘅豆香， 再創新地點埋沙律醬， 成為小朋友至愛嘅一碟菜式。
呢一道fusion菜式《青芥末蝦球》， 就啱曬鍾意刺激嘅朋友， 蝦球夠曬彈牙， 肉質亦相當爽口， 加埋Wasabi 同沙律醬來調味， 酸尾尾得嚟又帶點攻鼻， 當然Wasabi嘅比例唔會太多， 就算平時食壽司唔會點Wasabi 嘅朋友都可以食到。
平時食三杯雞就食得多，《三杯鴕鳥煲》就真係第一次食， 三杯意思代表一杯醬油、 一杯麻油、同一杯酒。 呢道菜式相對地濃味， 而且用咗非常健康嘅鴕鳥肉， 蛋白質高之餘又低脂， 鴕鳥肉味道同口感有啲似牛肉， 但就冇咗牛嗰份牛味， 上枱嘅時候見到有啲金黃脆片， 原來係炸香咗嘅薑片， 夠曬特別。
另外仲叫咗個幾乎枱枱必叫嘅《菜香鐵板豆腐》， 呢一樽豆腐非常大， 用鐵板盛著可以保持熱辣辣。 豆腐非常嫩滑， 非常好下飯， 而且醬汁又唔會太鹹太濃味， 醬汁加入咗肉碎、香菇、菜寶等材料去煮， 增添咗各種口感， 而且底部中加入咗一隻雞蛋， 張簡單又健康嘅材料合成為一道美味嘅菜式。
整頓晚飯嘅質素相當唔錯， 而且是應亦相當細心謙有禮， 見到我哋有bb車， 特意安排一張較入嘅枱， 方便我哋安全地放bb車。
張貼
