樂園魚旦專家 (新都城中心三期)

見佢下午茶送熱飲，又咁岩想食碗粉，就入黎試試，一試就發現中伏！
叫左個片頭米粉加腩汁，碗粉黎到唔知點解油淋淋，唔通加腩汁就會咁油？片頭一啲都唔似片頭，入口又硬又實仲要無味，唔講都唔知食緊片頭。個樣仲要白白地，乜魚片頭唔係金黃色架咩？湯頭無味得個油字，檸水未飲但得一半，真搞笑。我食哂啲米粉就算，片頭真係哽唔落。
最搞笑係開頭黎錯一碗有牛肚既麵，呀姐啲態度都幾晦氣下，同佢講錯，佢係度「嘖」我，真係又受氣又難食既一餐。

一啖都未飲過既熱檸水，齋拎走檸檬

好勉強咁食咗一舊魚片頭，仲要啲湯勁油，不了

咁白雪雪又實的的既魚片頭，第一次見

莫非加腩汁，就會變到碗粉油淋淋？