影片
更多
2010-11-19
429 瀏覽
身為大圍街坊，由於時間關係，迫於樣樣要快，仲要夠平，當然食物質素要OK。一時興起想分享下，無相睇，但隨口嗡得出佢地出名之作：1. 雞扒飯，可以話係佢地鎮店之寶，據說佢地只入美國雞扒，食得辣當然要叫黑椒汁，晚飯時間好搶手的（加左價都好似$22左右)2. 咖哩雞飯，唔知點講，總之好味，而家仲有十幾蚊點飯，想點呀？3. 下午茶餐當中，有個油脾沙津紅豆冰，$24，都係得意之作。4. 早餐最平$19-21不等（連熱飲）， 最鍾意薄煎牛扒餐，沙爹牛肉麵餐，仲有五香肉丁公仔麵配紅腸，爽呀！呢度因為價錢相宜，平日中午迫滿學生，星期日下晝教會活動後，呢度變左佢地醫肚聚腳地，非常熱鬧！不過話晒係屋邨快餐店，唔好期望太高，總之咁既價錢，今時今日，去邊度搵呀？！
一時興起想分享下，無相睇，但隨口嗡得出佢地出名之作：
1. 雞扒飯，可以話係佢地鎮店之寶，據說佢地只入美國雞扒，食得辣當然要叫黑椒汁，晚飯時間好搶手的（加左價都好似$22左右)
2. 咖哩雞飯，唔知點講，總之好味，而家仲有十幾蚊點飯，想點呀？
3. 下午茶餐當中，有個油脾沙津紅豆冰，$24，都係得意之作。
4. 早餐最平$19-21不等（連熱飲）， 最鍾意薄煎牛扒餐，沙爹牛肉麵餐，仲有五香肉丁公仔麵配紅腸，爽呀！
呢度因為價錢相宜，平日中午迫滿學生，星期日下晝教會活動後，呢度變左佢地醫肚聚腳地，非常熱鬧！不過話晒係屋邨快餐店，唔好期望太高，總之咁既價錢，今時今日，去邊度搵呀？！
張貼