堅韓牛韓燒放題 (已結業)

朋友生日，揀左呢間有得韓燒+火鍋既餐廳，最初係俾個名吸引左，「堅韓牛」！睇下有幾堅～～選了較夜既時段，平啲😛😛一人二百幾任食，不錯哦～餐廳環境闊落，不錯！而且每枱既抽油煙筒好俾貨，食完都唔覺有味，不得不讚韓國呢個偉大發明。野飲雪糕自己出去拎，種類都多，茶都有三款（玄米茶，烏龍茶同煎茶）朋友話烏龍茶仲加左粒梅，不錯哦～我就覺得食燒肉要啤一啤！啤酒都有兩款，Max同Hite，揀左hite，幾好👍🏻首先會有個石鍋雞，ok既，不過有啲辣（朋友食得辣覺得冇野），朋友話係咖哩，但我覺得唔完全係，但又唔似係大醬湯嗰個味🤔一直掛住燒肉就唔記得探尋真相！首先來個拼盤，會有四款牛，係是日精選。左起：牛腩肉、牛肩、雪花牛小排、美國大理石。由於朋友煮野食叻，我基本上交哂俾佢燒（唔係慶祝人地生日咩？仲要人地燒？😂🤪），每款都好平均，平均地好食，不錯哦～但個人口味都係鍾意雪花牛小排，朋友就鍾意牛肩。另外仲叫左五花肉、韓牛丸同啲蔬菜（茄子、雞脾菇、菠蘿）五花肉其實肉質同味道係ok既，但如果有生菜可以揀，俾我地包住食會更開心。（其實有既，不過列入左係火鍋配料，我地冇叫🙈😂）韓牛丸有驚喜，彈牙👍🏻👍🏻另外再讚菠蘿，好甜