鍾爺爺海鮮火鍋刺身專門店

今日同女朋友去咗旺角睇裝修嘅嘢
咁啱行開旺角裝修嗰幾條街
行到街尾 見到有一間火鍋店
咁啱又未諗到夜晚食乜
所以就入咗呢一間火鍋店

我哋入到去都諗咗好耐，先揀到湯底
女朋友鍾意食辣 所以我哋就叫咗個麻辣雞煲
佢一嚟到就聞到好香嘅辣味

之後果然冇令我哋失望 的雞肉好鮮嫩
然後我哋仲叫咗個芥辣墨魚丸
真係十分刺激味蕾 好似玩緊辣辣壽司咁

因為我好鍾意食牛
叫咗個爺爺牛王拼盤 呢個牛王拼盤，真係包羅萬有
我最欣賞嘅就係佢嘅手切本地牛 肉味香濃，非常新鮮

1