影片
更多
2017-07-15
143 瀏覽
尖東港鐵站P3出口，一出就會見到河內大娘招牌個轉動投射燈，地點好方便。舖面唔算大，係小舖嚟，夜晚8點去到坐滿晒人，等咗一陣位。我哋坐嘅二人枱枱面都幾細，嘢食會慢慢上，唔係會擺唔晒，同時食物亦都可以保持溫度同質素。點菜時店員推介嘅是日精選- 香茅煮大蜆$98，餐牌係冇架，仲係每日限量供應，餐廳會按當日有咩新鮮食材而推介嘅，叫左一客嚟試吓。一上枱真係好大隻，有五大隻喎。其實唔應該用大黎形容，應該用「巨」!!! 成隻手掌咁大隻，入面完全冇沙，咁大隻但又好鮮嫩，相信廚師都花咗好多心思預先處理同烹調。個香茅湯底，好香香茅味，又有清甜嘅蜆味，食得出係新鮮海鮮，唔係雪藏貨嚟。大娘小食拼盤$148，有蒸粉包X2、炸春卷X2、炸雞翼X2、炸蝦餅X1，成個拼盤啲食物都係熱辣辣。蒸粉包面頭有炸蒜片，好香口。粉皮厚薄適中而且帶點嚼勁。入面材料有紅蘿蔔、蝦肉、木耳、豬肉，仲加左蝦米，特別惹味。炸春卷外皮好多香茅絲而且非常鬆脆。炸雞翼炸得乾身，面頭都係有好多香茅絲所以食落好香口。雞肉嫩滑，因為熱辣辣所以相當美味。炸蝦餅好彈牙，入面冇落肥豬肉，啖啖蝦肉。如果大塊啲就PERFECT啦。皇牌火車頭$88 生牛肉、牛展、
舖面唔算大，係小舖嚟，夜晚8點去到坐滿晒人，等咗一陣位。我哋坐嘅二人枱枱面都幾細，嘢食會慢慢上，唔係會擺唔晒，同時食物亦都可以保持溫度同質素。
點菜時店員推介嘅是日精選- 香茅煮大蜆$98，餐牌係冇架，仲係每日限量供應，餐廳會按當日有咩新鮮食材而推介嘅，叫左一客嚟試吓。一上枱真係好大隻，有五大隻喎。
其實唔應該用大黎形容，應該用「巨」!!! 成隻手掌咁大隻，入面完全冇沙，咁大隻但又好鮮嫩，相信廚師都花咗好多心思預先處理同烹調。個香茅湯底，好香香茅味，又有清甜嘅蜆味，食得出係新鮮海鮮，唔係雪藏貨嚟。
大娘小食拼盤$148，有蒸粉包X2、炸春卷X2、炸雞翼X2、炸蝦餅X1，成個拼盤啲食物都係熱辣辣。
蒸粉包面頭有炸蒜片，好香口。粉皮厚薄適中而且帶點嚼勁。
入面材料有紅蘿蔔、蝦肉、木耳、豬肉，仲加左蝦米，特別惹味。
炸春卷外皮好多香茅絲而且非常鬆脆。
炸雞翼炸得乾身，面頭都係有好多香茅絲所以食落好香口。雞肉嫩滑，因為熱辣辣所以相當美味。
炸蝦餅好彈牙，入面冇落肥豬肉，啖啖蝦肉。如果大塊啲就PERFECT啦。
皇牌火車頭$88 生牛肉、牛展、牛丸、牛柏葉、牛根。牛展軟腍而且肉質相當好；牛丸就咬落極爽口彈牙同好重牛味。湯底味道同其他店嘅越南河粉唔同，牛味濃郁，應該係用咗相當時間去煮出嚟，我哋當然飲個清光唔好浪費啦。
新鮮芒果冰$38(左) 新鮮菠蘿冰$38(右)
飲落味道濃郁，肯定係用料十足，入面仲有粒粒果肉。
感覺上呢度無論食物飲品都係足料、靚料、新鮮、用心烹調，難怪雖然喺尖沙咀比較唔顯眼嘅地方但係都坐滿晒客人，值得支持。
張貼
