人和荳品廠 (已結業)

小金魚係一條小魚毛的時候就住係旺角,以前就成日跟住魚媽媽去旺角街市買餸(魚糧hehe),個時呢間人和已經係度,唔知再之前佢係幾時開業,總仲至少小金魚幾大,佢至少都有幾大....小金魚由細到大都鐘意食豆品類的食物,好以豆漿呀~豆腐花呀~豆卜~芽菜仔~豆腐呀~腐竹....總之係黃豆做出嚟的我基本上乜都食(連魚媽媽都話好難得，因為小金魚由魚毛開始就係一條口味勺轉的魚毛....)所以呢間人和我真係由細食到大，佢d豆漿同豆腐花真係無得"彈"，豆漿有豆味，而且唔會好甜，~豆腐花就又香又滑(個人比較鐘意食凍o野，但係豆腐花就最好食熱，因為會比較滑，凍就會差一點)，其餘的豆類副產品，好似係腐乳呀~豆卜呀等等都好好食~佢近年多咗煎豆腐同煎饟3寶<==呢個一時時有~好似係冬天至有，個煎豆腐真係好鬼好食，熱辣辣~再加埋大量的豆瓣醬.....呀呀呀....太好食啦最緊要係佢咁多年d質素都無變過~都係咁好食......再加上價錢真係平呀~煎豆腐(6小件) 同豆腐花都係HKD6.00，去邊到搵呀~至於其他食物好似煎餃子呀~甚麼油渣面呀~豬紅+九菜....非豆類製品...唔啱小金魚的咀型，真係無試過呢...