農米莊 (厚福街)

記得好多年前喺旺角第一次食，當時仲要排隊，但一試真係驚為天人，點解個黑蒜湯可以咁好飲？？？我仲飲晒成碗湯，而佢真係冇落味精，因為飲晒成碗湯都唔會頸渴想飲水

隔咗咁多年再食，原來尖沙咀都有得食，仲係喺好多好嘢食嘅厚福街
9點幾嚟食，舖頭都冇乜人
一開頭都會擔心呢啲舖做耐咗就會變質、偷工減料，但係農米真係可以keep住水準，仍然堅持唔落味精，湯㡳仲係好濃郁，價錢又平，材料又足料！

椰子雞湯米線

椰子雞湯米線湯㡳係濃香椰子味，但又唔會濃到太搶味，恰到好處，雞件又滑，平時我唔會食雞皮，但食農米都會食埋佢😋
黑蒜雞湯米線嘅黑蒜味都係keep住好濃郁😋朋友第一次食都係一試難忘、讚不絕口！
真心，五十零蚊咁嘅質素，無味精又真材實料真係扺到爛！