影片
更多
2021-11-17
846 瀏覽
開得喺K11 musea 都預咗佢唔平㗎喇 💸💸🤑 第一次試呢間台式打邊爐店 餐牌選擇都不少，湯底分台式麻辣、花膠、蕃茄、菌菇、川辣、豬骨，餐牌對每款鍋底包括食材、口味都有介紹叫咗佢嘅招牌胡椒豬肚同埋花膠湯 揀咗二人餐$789未計+1值得一讚嘅係佢嘅湯底 胡椒豬肚真係好足料入面已經有好多豬肚 識落爽口而且啲湯真係會令你想成煲飲晒 😋 花膠湯底都唔錯入面有足料嘅花膠同埋雞肉粒 不過佢就係比較杰身容易啲燶底 配料方面有海鮮、牛肉、豬肉、丸類、滑類、蔬菜，另有小食，食材份量我就覺得比較少 以佢呢個價錢來講可以多啲🤑佢擺盤係靚嘅 用嚟打卡都呃得下人不過佢個盤肉呢 有大白菜墊底 份量其實都真係唔多 牛肉薄身偏細碎，輕輕一淥散開 (ง°̀ﾛ°́)ง鴨腸爽口 不過如果唔係特別鍾意食嘅話可以唔使叫都得 因為其實佢個質地都唔係特別吸味 反而唔係用嚟打邊爐用嚟炒菜會更加好味🥲海鮮方面有聖子，鮑魚，帶子，同埋蝦 打邊爐都係食佢個湯底嘅啫 海鮮方面就不過不失大紅袍珍珠奶茶🧋 甜味可以自由選擇 價錢都同出面買到嘅手搖飲品差唔多 珍珠有咬口唔錯佢仲有個自助區 (調料、茶位、前菜、水果、肉燥+白飯) 不過全部都冇遮無掩
第一次試呢間台式打邊爐店
餐牌選擇都不少，湯底分台式麻辣、花膠、蕃茄、菌菇、川辣、豬骨，餐牌對每款鍋底包括食材、口味都有介紹
叫咗佢嘅招牌胡椒豬肚同埋花膠湯
揀咗二人餐$789未計+1
值得一讚嘅係佢嘅湯底 胡椒豬肚真係好足料入面已經有好多豬肚 識落爽口而且啲湯真係會令你想成煲飲晒 😋 花膠湯底都唔錯入面有足料嘅花膠同埋雞肉粒 不過佢就係比較杰身容易啲燶底
配料方面有海鮮、牛肉、豬肉、丸類、滑類、蔬菜，另有小食，食材份量我就覺得比較少 以佢呢個價錢來講可以多啲🤑
佢擺盤係靚嘅 用嚟打卡都呃得下人
不過佢個盤肉呢 有大白菜墊底 份量其實都真係唔多 牛肉薄身偏細碎，輕輕一淥散開 (ง°̀ﾛ°́)ง
鴨腸爽口 不過如果唔係特別鍾意食嘅話可以唔使叫都得
因為其實佢個質地都唔係特別吸味 反而唔係用嚟打邊爐
用嚟炒菜會更加好味🥲
海鮮方面有聖子，鮑魚，帶子，同埋蝦 打邊爐都係食佢個湯底嘅啫 海鮮方面就不過不失
大紅袍珍珠奶茶🧋 甜味可以自由選擇 價錢都同出面買到嘅手搖飲品差唔多 珍珠有咬口唔錯
佢仲有個自助區 (調料、茶位、前菜、水果、肉燥+白飯) 不過全部都冇遮無掩 衛生程度又扣咗啲分(´ . .̫ . `)
佢最尾會送一個茶梅啫喱 呢個我覺得好味 酸酸甜甜唔會太甜
總括而言感覺食物都係一般，價錢偏高 而且唔值 未試過可以去試吓嘅 湯底係唔錯不過材料質素就一般了 可以襯佢特價時段去好了
(´･_･`) 無謂令到你嘅荷包傷心又痛心💸
食物質素本身都可以比ok 水平，但咁嘅價錢就一定要差評，為我荷包討回公道ಠ_ಠ
張貼
