德興酒家

營業中

休息中

二百幾蚊一位打邊爐放題，任飲任食，包埋任叫海鮮例如鮮蝦、青口、帶子等等，另外任飲嘅酒水絕對係驚喜，除咗一定會有嘅Soderberg啤酒，佢仲會有貴價啤酒任飲，我試過有Hoegaarden Rose、日本Premium天然水生啤酒、1664 Blanc白啤等等，真係每次去打邊爐都會有驚喜。呢間係傳統港式酒樓格局，用圓枱，所以地方好闊落，約埋一大班朋友一齊打邊爐高談闊論，渡過美好嘅時光。呢度仲可以由六點坐到去佢10點幾收舖，真係一個價錢可以任食兩餐。仲包埋Mövenpick雪糕每位一盒、任食糖水兩款。相比起出面嘅90分鐘放題食到趕頭趕命真係貼錢買難受，所以呢度真係冇得輸、冇嘢可以投訴。