燒窯王 (已結業)

有兩款雞，可以半隻半隻咁嗌，所以一次過試晒兩款。👌🏼古法窯雞佢唔係預期窯雞果種焗到好香又脆皮嘅感覺。呢度係用錫紙同荷葉包住。個皮係腍嘅。雞肉都整得嫩滑，味道係豉油皇雞帶點荷葉香嘅味道。賣相上檯時就咁用錫紙包住，好家居。如果拆開左呈現用荷葉包住嘅樣會更吸引。👌🏼脆皮燒雞個皮炸得非常脆，肉都嫩滑。但係個味道就同酒樓嘅脆皮炸子雞一模一樣。唔係我心目中農家窯雞果種焗雞嘅口感同味道。而且雞肉味道都頗單一，偏淡，得鹽嘅味道，欠缺咗一啲香草或者其他味道嚟提升層次。如果兩者比較，我會覺得窯雞個味道有荷葉香有特色d。脆皮雞如果係預期食酒樓果種炸子雞的口感同味道都會滿意。環境： ★☆☆☆☆ 食物： ★★★☆☆ 推介度： ★★★☆☆