Dates (已結業)

和女友收工出到旺角，已經11點幾，唔想食米線壽司之下行入女人街，發現這間裝潢蠻骨子的餐廳有宵夜套餐，便決定一試。分別叫了白汁煙三文魚天使麪和黑椒牛舌炒意粉。上菜很快，幾乎不用等，白汁煙三文魚天使麪味道不錯，但黑椒牛舌炒意粉味過濃，有點咸。唯份量偏少，兩啖就食晒。而最奇怪的是menus寫著 +$10 可以有是日甜品，但問侍應是日甜品係乜，一個答唔知，另一個則答「今日冇做甜品」！咁都得？賣晒定冇做呀？總括而言，味道很ok，但我不會再以這價錢 (還要加一) 食這個份量的宵夜，正餐的話還可以一試，但我應該寧可去意粉屋。