廚十三老壇酸菜魚 (太子集團中心) (已結業)

今晚阿媽生日，去左食廚十三。三個人叫左個小份酸菜魚+藕片同寬粉，再加個蔥油撈豬肚同脆荀。食物係高質既，個脆荀幾爽，蔥油豬肚係我最愛，而主角酸菜魚亦不令人失望，魚好滑，冇骨，加埋個酸菜汁（定湯？）真係好惹味，係我係HK食過既酸菜魚最好食果間。不過對服務質素就真係唔好有期望，我本身book咗枱，去到，啲侍應全部都係應單字，坐低左餐牌又唔俾，坐左幾分鐘先問到個侍應攞餐牌，擺低一粒字都冇講過，全部侍應都係冷淡應單字，可能就係持住食物好食所以客人會自動回頭啦。我係有帶蛋糕既，去到擺低左俾侍應，我哋食完野之後我問侍應攞個蛋糕，發現佢係冇擺入雪櫃，個蛋糕已經有三成溶左。不過佢冇收切餅費，及食物係冇得輸嘅，服務方面只可以話冇期望冇失望啦！