勝利小廚 (已結業)

兩星期前第一次幫襯，朋友帶去食，事前朋友同我講明呢間野只可以食味道，無服務可言，所以已經有初步心理預備，一去到小店門口，人山人海，一半人等位一半人等外賣，第一個印像係企晌門口大叫d人客拿外賣果個tom boy 外形既侍應態度非常差，等了一會，我地一行三人坐了一張有如學生上課既檯仔，三十幾度的黃昏時間，客人太多，空調明顯不夠，感覺如坐街上的大排檔，身水身汗…三個人叫了三個例湯，一隻去骨海南雞，一碟茄汁蝦，一個雜菜煲，味道的確係中上，尤其係茄汁蝦的汁夠好味，不過食飯為求味道之外，其實對我黎講，食得開心更加重要，何況我諗佢既味道未至於好食到唔幫襯唔得。所以我會睇住其它人既食評，等佢改善左服務同埋過了夏天先會考慮再幫襯。一間食物本來都好ok既食店竟然有60幾個喊面，服務同環境惡劣情況幾嚴重可想而知。