影片
更多
2004-07-03
41 瀏覽
今晚同老婆又唔知食乜好, 卒之又去左尖沙咀柯士甸道Tivoli意大利餐廳, 有d人話d伙計態度好差, 但我去過三次, d態度都無乜問題, 唔可以話十分之好, 但又不過不失啦...^_^"言歸正傳, 今晚我就order 左個波菜生蠔湯及香酒牛仔柳, 老婆就order 左龍蝦湯及蒜茸牛柳...波菜生蠔湯- 正!! 對愛吃生蠔的我, 絕對係美食!! 湯一上已見到兩隻生蠔游盪於忌廉湯中, 一大一中的生蠔的表面已熟, 但內部還是生的, 咬下去之後才發覺這樣煮法的確美味, 因為熟的生蠔表面沒有了"滑潵潵"的感覺, 又可以keep到生蠔的鮮味,今晚的生蠔又新鮮, 而且他們將波菜切絲放在忌廉湯中, 有咬口之餘又可平衡到波菜及忌廉湯的味道!!龍蝦湯- 據老婆話, 湯都幾足料, 而且真的有幾多龍蝦肉(我眼見都不少龍蝦肉), 不過略遜一籌的係個湯的龍蝦味不足, 可能無放d龍蝦頭去煲!香酒牛仔柳- 牛仔肉配合用酒(唔係白或紅酒, 係佢講左比我聽都唔知係乜的酒)開成的汁, 酒味十分香, 嗜酒的我又會放過它嗎!!! XDD 牛仔肉非常"淋", 不過配合香酒汁之後, 香酒蓋過牛仔肉味, 酒汁味濃, 而牛仔肉味淡,
言歸正傳, 今晚我就order 左個波菜生蠔湯及香酒牛仔柳, 老婆就order 左龍蝦湯及蒜茸牛柳...
波菜生蠔湯- 正!! 對愛吃生蠔的我, 絕對係美食!! 湯一上已見到兩隻生蠔游盪於忌廉湯中, 一大一中的生蠔的表面已熟, 但內部還是生的, 咬下去之後才發覺這樣煮法的確美味, 因為熟的生蠔表面沒有了"滑潵潵"的感覺, 又可以keep到生蠔的鮮味,今晚的生蠔又新鮮, 而且他們將波菜切絲放在忌廉湯中, 有咬口之餘又可平衡到波菜及忌廉湯的味道!!
龍蝦湯- 據老婆話, 湯都幾足料, 而且真的有幾多龍蝦肉(我眼見都不少龍蝦肉), 不過略遜一籌的係個湯的龍蝦味不足, 可能無放d龍蝦頭去煲!
香酒牛仔柳- 牛仔肉配合用酒(唔係白或紅酒, 係佢講左比我聽都唔知係乜的酒)開成的汁, 酒味十分香, 嗜酒的我又會放過它嗎!!! XDD 牛仔肉非常"淋", 不過配合香酒汁之後, 香酒蓋過牛仔肉味, 酒汁味濃, 而牛仔肉味淡, 只吃到酒味, 這樣浪費了好好的牛仔肉!! 而且成百二三蚊的扒, 只有兩件(3" x 3")薄牛仔柳, 好似貴左少少...
蒜茸牛柳- 牛柳以燒方法煮熟, 要七成真的七成熟!! 師傅手勢值得一贊!! 蒜茸汁不是大家樂的番茄麵粉汁, 他們將蒜茸+洋蔥+煙肉碎炒成薄汁, 三種材料加上少少燒焦外皮的七成熟牛柳--> 又有蒜茸, 洋蔥, 煙肉, 燒焦香味, 牛柳肉味!! 在口中打滾真是難以形容!! 不過又係過句$148 一個扒, 得一件(3" x 2.5" x 1")的牛柳, 好似又係貴左少少...
最後, 以我270 磅的身軀, 點會飽!! 只有再添個蘑菇薄餅, 正宗意大利薄餅, 薄的餅皮加上芝士,蘑菇及番茄汁, 燒了出來味道真是不得了!! 番茄汁加了些香草!! Pizza Hut 的美式薄餅無得比!! (只係本人個人口味)
埋單總共$482, 抵唔抵食就見仁見智!!但就幾好味啦!!(再強調一次, 只係本人個人口味, 因為之前見過d人話佢d野唔好食)
補充少少- 餐廳就幾有情調, 黑漆漆, 點曬蠟燭, 好o岩情侣!!! 但最老土的係佢無分開吸煙區同非吸煙區, 非常討厭煙味的人, 想好好嚮受一下美食都真的不易!!!!!
張貼