峰壽司 (已結業)

好耐無黎喇,比以前,而家唔洗等咁耐。唔鍾意佢為左可以容納多D人,隔離唔識既,都要坐得好close；D櫈又高,行出行入,要攝上去坐,應真唔舒服。食物質質/款式無乜點變。不過佢例必一樣野,「顯」生出幾款,例如:火炙、鹽巴、甘乜乜、等等。所以都唔理咁多,見到哪就食哪。最好食係唔知咩三文魚壽司,魚肉厚切,啖啖肉,很嫩滑。蟹柳壽司,只係造成蟹腳形狀,又淡又實。在韓國買的蟹柳,好食過一百倍。唔知咩名,燒三文魚包帶子壽司,上面的蔥絲,令此件生色不少。其實這個combination是各有各味,幸好帶子和三文魚都係好好食既野黎啫!燒帶子壽司,無燒既味,仲係凍既添!咁已經唔好食喇。海膽壽司,無食。帶子壽司,so far so good。鰻魚壽司,肉雖然唔夠厚,仍暖,都ok!蠔天婦羅壽司,感覺無以前咁好食,隻蠔無乜蠔味。炸芝士薯波,原來係薯蓉包芝士,仲以為係,似麵包店的麻薯波添!熱辣辣,幾好食。整體上壽司材料ok,但我覺得D壽司飯,唔夠黏,同埋唔軟熟。壽司碟,似乎間間迴轉壽司店通病,以為放兩件壽司,唔係好污租,看似求其抹過。其實見到隻隻碟都立「次次」。